خوان گوایدونون توخونولمازلیغی‌نین لغو اولونماسی طلب اولوندو

ونزوئلا-دا اؤزونو موقتی دؤولت باشچی‌سی اعلان ائدن پارلامئنت صدری خوان گوایدونون توخونولمازلیغی‌نین لغو اولونماسی طلب اولوندو.

1175439
خوان گوایدونون توخونولمازلیغی‌نین لغو اولونماسی طلب اولوندو

ونزوئلا-دا اؤزونو موقتی دؤولت باشچی‌سی اعلان ائدن پارلامئنت صدری خوان گوایدونون توخونولمازلیغی‌نین لغو اولونماسی طلب اولوندو.

امریکا باشدا اولماقلا بیر سیرا باتی و لاتین آمئریکاسی اؤلکه‌سی‌نین دستکینی آلان خوان گوایدو حاقیندا باشلادیلان حقوقی پروسه داوام ائدیر.

عالی عدالت محکمه‌سی‌نین صدری مایکل مورنو اؤلکه‌دکی صلاحیت‌لی قانون وئریجی‌لیک اورقانی اولان قوروجو مجلیس‌دن (ANC) گوایدونون توخونولمازلیغینی لغو ائتمه‌سینی طلب ائتدی.

مورنو عالی عدالت محکمه‌سی‌نین بو قراری گوایدونون اؤلکه‌دن چیخما قاداغاسینا باخمایا‌راق کلمبیا-یا کئچمه‌سی سببیندن باشلادیلان حقوقی پروسه اوچون قبول ائتدیگینی بیلدیردی.

پروسه‌نین چوخ آچیق اولدوغونو وورغولایان مورنو بو موضوع ایله باغلی ایلکین سوروشدورمایا احتیاج اولمادیغینی وورغولادی.

اونو دا قئید ائتمک لازیم‌دیر کی، عالی عدالت محکمه‌سی‌نین بیر حاکمی سؤزوگئدن قرارا قاتیلماییب.

گوایدو مارسین 28-ده دؤولت نظارت قورومو طرفیندن دؤولت خیدمتیندن اوزاقلاشدیریلمیشدی.



ایلگیلی‌لی خبرلر