"قان تؤکولمه‌سینین سببی مسلمان فاناتیکلرین کؤچو"

سناتور فرایزر آنینگ، ترور ائیلمیندن سونرا قالماقال آچیقلامالارا ایمضا آتدی

"قان تؤکولمه‌سینین سببی مسلمان فاناتیکلرین کؤچو"

استرالیالی آشیری ساغ‌چی سناتور فرایزر آنینگ، یئنی زلاندین کرایست‌چورچ شهرین‌ده ۲ مسجده تشکیل اولونان و ۴۹ نفرین حیاتینی ایتیردیگی ترور ائیلمیندن سونرا قالماقال آچیقلامالارا ایمضا آتدی.

کوئینزلند ایالتین‌دن مستقیل سناتور آنینگ، "زوراکیلیغین هر جورونه تامامیله قارشی اولدوغونو" بیلدیردیگی آچیقلاماسین‌دا،

"یئنی زلاند کوچه‌لرین‌ده بو گون قان تؤکولمه‌سینین گئرچک سببی هر شئی‌دن اول مسلمان فاناتیکلرین یئنی زلاندا کؤچ ائتمه‌سینه ایجازه وئره‌ن کؤچ پروگرامی‌دیر" ایفاده‌سینی ایشلتدی.

آنینگ، آچیقلاماسین‌دا مسلمانلاری و اسلامی هدف آلان آغیر ایفاده‌لره ده یئر وئردی.

استرالیالی سناتورون عیرق‌چی سؤیلمی بؤیوک تپکی توپلادی.

استرالیا باشباخانی سکات موریسون، تویتر حسابین‌دان آنینگی قینادی.

موریسون،

"سناتور فرایزر آنینگین یئنی زلانددا وحشی، ساغ‌چی، آشیریلیق‌چی بیر تروریستین قانلی سالدیریلارین‌دان کؤچو سوروملو توتماسی ایرنج. بئله گؤروشلره، استرالیا پارلمانی، استرالیادا یئر یوخدور" گرلندیرمه‌سینی پایلاشدی.

استرالیا باشباخانی، یئنی زلاندین دا استرالیا کیمی بوتون اینانجلاردان، مدنیتلردن و گئچمیشلردن اینسانلارا ائو صاحب‌لیگی ائتدیگینی وورغولایاراق،

"اولکه‌لریمیزدن هئچ بیرین‌ده، بو آشیریلیق‌چی ترور شدتینی بسله‌یه‌ن خوش‌گؤرو‌سوزلویه و نیفرته اصلا یئر یوخدور. بونو قیناییریق" ایفاده‌لرینی ایشلتدی.



ایلگیلی‌لی خبرلر