پاکیستان و هیندیستان مسئول‌لاری بیر آرایا گلدی

پاکیستان‌لی و هیندیستان مسئول‌لاری، ایکی اؤلکه آراسیندا اؤتن هفته‌لرده یاشانان گرگینلیگین آردین‌دان ویزا‌سیز مرز قاپی‌سی آچیلسین گؤروشمک اوچون بیر آرایا گلدی.

هیندیستان خاریجی ایشلر ناظیرلیگی سؤزچوسو راویش قومار، هیندیستان طرفینه کئچن پاکیستان نماینده هیاتی، سیک‌لرین پاکیستان‌داکی معبد زیارتی‌نین آسانلاشدیریلماسی اوچون ویزا‌سیز مرز قاپی‌سی آچماق مسئله‌سی‌نین موذاکیره اولوندوغونو سؤیله‌دی.

گؤروشمه‌ده پاکیستان نماینده هیاتینه خاریجی ایشلر ناظیرلیگی سؤزچوسو محمد فیصل رهبرلیک ائتدیگی بیلدیریلدی.

فیصل، اؤلکه‌دن آیریلمادان اوّل وئردیگی آچیقلامادا، پاکیستانین باش ناظیری عمران خانین تشببوسونون، سیک‌لره آسان‌لیق تانیماسی‌نین یاناشی توققوشما‌دان ایش بیرلیگینه، دوشمنچی‌لیک‌دن باریش، دوشمنلیکدن دوستلوغا یؤنه‌لیک بیر آددیم اولماسینی اومید ائتدیک‌لرینی ایفاده ائتدی.

طرف‌لر آراسین‌داکی گؤروشمه، مرزه 3 کیلومتر اوزاق‌لیقدا هیند کند عطاری‌ده آپاریلیر.

پاکیستان و هیندیستان، کارتارپور مرز قاپی‌سینی ویزا‌سیز کئچیدلره آچماق باره‌ده راضیلیغا گلمیشدی.

هیندیستان ایله پاکیستان آراسین‌داکی سون گرگین‌لیک، کشمیرین هیندیستان ایداره‌سین‌دکی بؤلومونده 14 فوریه‌ده پولیس تشکیلاتینا باغلی میلیتان گوجونه کئچیریلن و 44 نفرین اؤلدوگو بومبا‌لی سالدیری ایله باشلادی.

یئنی دهلی رهبرلیگی، سالدیری ایله باغلی پاکیستانی گوناهلاندیردی. سالدیرینی پیسله‌ین پاکیستان ایسه گوناهلاندیرماغی رد ائتدی.

هیندیستان، 26 فوریه کشمیر کونترول خطی‌نین پاکیستان طرفینده یئرلشن ترور تشکیلاتی هدف‌لرینه هاوا سالدیریسی تشکیل ائتدیگینی بیلدیریب.

پاکیستان دا هاوا ساحه‌سینی پوزدوغو و بو سببله ده هیندیستانا عایید ایکی ساواش اوچاغینی دوشوردو. داها سونرا دا توتدوغو هیند پیلوتو خوش نیت علامتی کیمی هیندیستانا تسلیم ائتدی.

پاکیستان باش ناظیری عمران خان، هیندیستانی پروبلم‌لری دیالوق یولو ایله حلّ ائتمه‌یه و احتیاطلی اولماغا دعوت ائدیب.

تورکیه ایکی اؤلکه آراسین‌داکی پروبلم‌لرین دیالوق یولو ایله حلّ ائدیلمه‌سی مسئله‌سینده طرف‌لره مراجعت ائتدی.