هاوا لیمانیندا اوشاغینی اونودان قادین اوچاغی گئری قایتاردی
سعودیه عربیستانی-نین جده شهریندن مالزیا-نین پایتاختی کوالالامپور-ا ایستیقامت گؤتورن یولجو اوچاغینداکی بیر قادین کؤرپهسینی هاوا لیمانیندا اونوتدوغونو سؤیلیینجه اوچاق جده-یه گئری دؤنوب.
سعودیه عربیستانی-نین جده شهریندن مالزیا-نین پایتاختی کوالالامپور-ا ایستیقامت گؤتورن یولجو اوچاغینداکی بیر قادین کؤرپهسینی هاوا لیمانیندا اونوتدوغونو سؤیلیینجه اوچاق جده-یه گئری دؤنوب.
"یوتیوب"ا یوکلنن ویدئودا کوالالامپورا گئتمک عذره حرکت ائدن اوچاغین پیلوتو جده-ده کی هاوا ترافیک کنترل مرکزینه گئری ائنیش چاغیریشی ائدیر.
مالزیا مطبوعاتیندا یاییلان خبرلره گؤره، پیلوت مرکزه:"بیر یولجو کؤرپهسینی گؤزلمه سالونوندا اونودوب گئری دؤنوش ائده بیلریک می؟" دئیه مراجعت ائدیب.
کنترل مرکزینین امکداشی ایسه تعجبلو سس تونو ایله: "آیدین اولدو، قاییدا بیلرسینیز. بئله بیر شئی ایلک دفعه ائشیدیریک" جاوابینی وئریب.
حرکتدن قیسا بیر مدت سونرا اوچاق جده کرال عبدالعزیز هاوا لیمانینا قاییداراق ائنیش ائدیب.
قادین یولجونون هاوا لیمانیندا اوشاغینی نئجه اونوتدوغونا دایر هئچ بیر آچیقلاما وئریلمهییب.
پیلوت ایله اوچاق کنترل امکداشینین دیالوقونون عکس اولوندوغو ویدئو "یوتیوب"دا ایندییه قدر 50 مین نفر طرفیندن ایزلنیلیب.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب