ترامپ‌ین، مکزیک مرزی دووار و دیگر خرج‌لر اوچون 8.6 میلیارد دو‌لار بودجه ایستیه‌جگی ادعا ائدیلیب

آمریکا مئدیاسیندا یئر آلان و ترامپ رهبرلیگینه یاخین بعضی مسئول‌لارین منبع گؤستریلدیگی خبرده، ترامپ‌ین هفته عرضینده سرحد امنیت چرچیوه‌سینده کونگره‌یه یئنی بیر تکلیف ائدجگی قئید اولونوب

1161112
ترامپ‌ین، مکزیک مرزی دووار و دیگر خرج‌لر اوچون 8.6 میلیارد دو‌لار بودجه ایستیه‌جگی ادعا ائدیلیب

آمریکا‌نین پرزیدنتی دونالد ترامپ‌ین، کونگره‌یه تقدیم ائدجگی 2020 بودجه‌سینده، مکزیک مرزینه قورماغی پلانلاشدیردیغی دیوار و دیگر خرج‌لر اوچون 8.6 میلیارد دو‌لار بودجه ایستیه‌جگی ادعا ائدیلیب.

آمریکا مئدیاسیندا یئر آلان و ترامپ رهبرلیگینه یاخین بعضی مسئول‌لارین منبع گؤستریلدیگی خبرده، ترامپ‌ین هفته عرضینده سرحد امنیت چرچیوه‌سینده کونگره‌یه یئنی بیر تکلیف ائدجگی قئید اولونوب.

خبره گؤره، ترامپ‌ین، 8.6 میلیارد دو‌لارلیق بودجه 5 میلیارد دو‌لارینی دیوار تیکینتی‌سی اوچون ایچ امنیت ناظیرلیگی بودجه‌سین‌دن، 3.6 میلیارد دو‌لارینی ایسه سرحده قورولماسی پلان‌لاش‌دیریلان نیظامی تیکینیتی‌‌لر اوچون آمریکا ساوونما ناظیرلیگی (پنتاگون) بودجه‌سین‌دن آلماغی پلانلاشدیردیغی ایره‌لی سورولدو.

بون‌دان باشقا، بودجه تکلیفی عرضینده مرز امنیتنه کؤمک اولا‌راق 2 مین 800 امنیت ایشچی‌سی و کؤچمن ایشلرینی سرعتلن‌دیرمک اوچون 100 کؤچمن حاکمی‌نین ایشله تامین ائدیلمه‌سی‌نین ده یئر آلدیغی قئید اولونوب.

ادعا‌لارا دایر یازیلی بیر آچیقلاما ائدن نماینده‌لر مجلیسی باشقانی نانسی پلوسی و سناتونون دموکرات آزینلیق لیدری چارلز شومر، سؤز قونوسو بودجه تکلیفی‌نین منتیگ‌لی اولمادیغینی قئید ائدیب.

بیاناتدا،

" باشقان ترامپ، مکزیک طرفین‌دن اؤدنه‌جگینی دئدیگی باها‌لی و تاثیرسیز دیوار اوچون حکومتی باغلایا‌راق، میلیون‌لارلا آمریکا‌لییا آجی چکدیریب و بؤیوک بیر کاوسا سبب اولدو. کونگره، دیواری مالیه‌یه ائتمیی رد ائدینجه مغلوبیتی قبول ائدیب، حکومتی یئنی‌دن آچماق مجبوریتینده قالدی. بونو یئنی دئیرسه عینی شئی تکرارلانا‌جاق. اومید ائدیریک کی درسینی آلمیش‌دیر." ایفاده‌لری یئر آلدی.

ترامپ‌ین ایستیه‌جگی رقمین، کونگره‌نین سون 2 ایلده سرحد پروژه‌لری اوچون آییردیغی بودجه‌نین 6 دفعه اولماسی دقت چکدی.

سؤزقونوسو 2020 بودجه‌سی‌نین ایسه 1 اوکتوبردان اوّل کونگره‌دن کئچمه‌سی لازیم‌دیر، عکس حالدا حکومتین یئنی‌دن باغلانماسی گوندمه گله‌جک.



ایلگیلی‌لی خبرلر