دونیا بانکین‌دان آراکان‌لی موسلمان‌لارا یاردیم

دونیا بانکی، آراکان‌لی موسلمان قاچقین‌لارا یاردیم اوچون بنگلادش‌ین 165 میلیون دو‌لار یاردیم وئریلمه‌سینی تصدیقله‌دی

1160460
دونیا بانکین‌دان آراکان‌لی موسلمان‌لارا یاردیم

دونیا بانکی، آراکان‌لی موسلمان قاچقین‌لارا یاردیم اوچون بنگلادش‌ین 165 میلیون دو‌لار یاردیم وئریلمه‌سینی تصدیقله‌دی.

دونیا بانکین‌دان ائدیلن آچیقلامادا، 165 میلیون دو‌لار یاردیم، میانمارداکی شدت‌دن قاچان آراکان‌لی موسلمان‌لارین سوسیال باخیم‌دان توپارلانماسی و تمل خیدمت‌لردن ایستیفاده ایمکان‌لاری‌نین تامین ائدیلمه‌سی اوچون بنقلادش‌ین دستکلیه‌جگی ایفاده ائدیلدی.

آچیقلامادا، آراکان‌لی موسلمان‌لارین ساییسی‌نین، تکناف و اوخیا اوپازیلادا بؤلگه خالقینی اوچه قاتلادیغینا ایشاره ائدیله‌رک، یاردیمین سو سیستم‌لری‌نین یانیندا دوشرگه‌لرده یول، کئچید، کؤرپو، کانالیزاسیون، بارماق‌لیق و کوچه ایشیقلاندیرماسی فعالیتلرینه خرج‌لنه‌جگی ایفاده ائدیلدی.

آراکان‌دا 2012-جی ایلده بوددیست‌لر ایله موسلمان‌لار آراسیندا چاتیشما‌لار چیخمیش، حادثه‌لرده چوخو موسلمان مین‌لرله اینسان قتله یئتیریلمیش، یوزلرله ائو و ایش یئری آتشه وئریلمیشدی.

آراکان‌داکی سرحد پولیس مرکزلرینه 25 آوقوست 2017ده تشکیل ائدیلن عینی واختدا سالدیری‌لاری سبب گؤسترن میانما اوردوسو و بوددیست میللیتچی‌لر، کوتلوی شیدت حرکت‌لرینی باشلاتمیشدی.

بیرلشمیش میللت‌لر تشکیلاتی‌نین (بمت) گؤره، 25 آوقوست 2017ده سونرا آراکانداکی باسقی و ظلم‌دن قاچیب بنگلادش‌ا سیغینان‌لارین ساییسی 745 مینه چاتدی. اولوسلار آراسی اینسان حاق‌لاری تشکیلات‌لاری، یاینلادیقلاری اویدو گؤرونتولریله یوزلرله کندین یوخ ائدیلدیگینی ثبوت ائتدی.

بمت و اولوسلار آراسی اینسان حاق‌لاری تشکیلات‌لاری، آراکان‌لی موسلمان‌لارا ایستیقامت‌لی شیدتی "اتنیک تمیزلمه" یا دا "سویقیریم" اولا‌راق آدلاندیریلیر.



ایلگیلی‌لی خبرلر