یمن-ده امریکا و بویوک بریتانیا بومبالاری

یمن-ده داوام ائدن ایچ ساواشدا ایستیفاده ائدیلن امریکا و بؤیوک بریتانیا اوره تیمی اولان بومبا‌لار قادین‌لار و اوشاق‌لار دا داخیل اولماقلا، 203 سیویلین اؤلمه‌سینه، 700-دن چوخ وطنداشین ده یارالانماسینا سبب اولوب.

واشینگتن پست قزئتینده درج اولونان خبره گؤره، اینسان حاق‌لاری تشکیلات‌لاری طرفیندن یاییلان بیر راپوردا سعودیه عربیستانی و بیرلشمیش عرب امیرلیک‌لری‌نین رهبرلیگیندکی کوالیسیون قوه‌لری طرفیندن یمنه ائدیلن هاوا هوجوم‌لاریندا امریکا و بؤیوک بریتانیا اوره تیمی اولان بومبا‌لارین 203203 سیویلین هلاک اولماسینا و ان آزی 749 نفرین یارالانماسینا سبب اولدوغو، اؤلو و یارا‌لی‌لار آراسیندا 122-جی اوشاق و 56 قادی‌نین اولدوغو بیلدیریلیر.

یمن مرکزلی Mwatana  اینسان حاق‌لاری تشکیلاتی و امریکا مرکزلی اینسان حاق‌لاری عذره اونیورسیته شبکه‌سی طرفیندن حاضرلانان راپوردا کوالیسیون قوه‌لری طرفیندن آوریل  2015 -جی ایل – آوریل 2018-جی ایل دؤورونده یمنه تشکیل اولونان هاوا هوجوملاریندان‌ 27-نین تامامیله سیویل هدف‌لره قارشی اولدوغو ایفاده ائدیلیر.

راپوردا هوجوم‌لاردان بیر چوخونون هر هانسی بیر پتانسیل حربی هدف‌دن اوزاقدا باش وئرمیش کیمی گؤروندوگونه ایشاره ائدیلیر، بومبا ایزلری‌نین و قالیق‌لاری‌نین بو هوجوم‌لاردان 25-ده قاداغان اولونموش میسکت بومباسی دا داخیل اولماقلا، امریکا اوره تیمی، 5-ده بؤیوک بریتانیا اوره تیمی اولان سلاح‌لاردان ایستیفاده ائدیلمه احتیمالینی اورتایا قویدوغو وورغولانیر.

راپورا گؤره، 27 هاوا هوجومون‌دان 16-سی سیویل لرین کوتلوی حالدا اولدوغو یئرلری، وطنداش‌لارا مخصوص ائولری و بیر سیویل گمینی، 5-ی تحصیل و ساغلیق موسسه‌لرینی، 5-ی سیویل ایش یئرلرینی و 1-ی ده حکومت مدنیت مرکزینی هدف آلیب.

راپوردا: "الده ائدیلن دلیل‌لر سعودیه عربیستانی و بیرلشمیش عرب امیرلیک‌لری‌نین رهبرلیگیندکی کوالیسیون قوه‌لری‌نین محاربه قانون‌لارینا عایید عهده لیکلرینی یئرینه یئتیرمه دیگینی و یمن-ده بؤیوک سایدا وطنداش ایتکی‌لرینه و دیگر سیویل لره ضررلره سبب اولان نیسبت‌سیز و فرق قویمایان هوجوم‌لاردا دفعه‌لرله امریکا سیلاحلاریندان‌ ایستیفاده ائدیلدیگینی گؤسترن اوولکی ثبوتو دستکلییر" ایفاده‌لرینه یئر وئریلیر.

نیویورک قزئتینده دسامبر آییندا درج اولونان خبرده امریکا-نین یمن-ده سعودیه عربیستانی رهبرلیگیندکی کوالیسیون  قوه‌لرینه ساتدیغی بومبا‌لارین سبب اولدوغو داغینتی‌لاردان، اینسان‌لارین یاشادیق‌لاری فاجعه‌لردن بحث ائدیلمیش، امریکانین سعودیه عربیستانینا سلاح ساتیشی رقم‌لری گؤستریلمیشدی.

یئرلی منبع‌لر امریکانین سی ان ان تلویزیونونا وئردیک‌لری معلوماتدا سعودیه عربیستانی و کوالیسیونون باش‌لیجا طرفداشی اولان بیرلشمیش عرب امیرلیک‌لری‌نین یمن-ده قبیله و قروپ‌لارا صداقت‌لی اولدوق‌لاری تقدیرده آمریکان  سلاح‌لاری و حربی تئکنیکا‌لاری وئردیک‌لرینی ادعا ائتمیشدی‌لر.