فرانسادا بیر ایدمان ماغازاسی، باش اؤرتوسو ساتیشینی اعتراضلاری سببین‌دن لغو ائدیب
فرانسا مالیه ناظیری، مسئله‌یه دایر وئردیگی بیاناتدا، " قادینلارین آزادلیغینی تیجارت آزادلیغینا اوستون توتورام." ایفاده‌سینی ایستیفاده ائتدی
فرانسادا بیر ایدمان ماغازاسی، قادینلارین ایدمان ائدرکن تاخابیله‌جگی باش اؤرتوسو ساتیشینی، بعضی ناظیر، سیاستچی و آشیری ساغچی موشتری‌لرین اعتراضلاری سببین‌دن لغو ائدیب.
ایدمان ماغازاسی دکتلون‌ون کومونیکاسیون دیرکتورو زاویه ریووآر، مطبوعاتا وئردیگی آچیقلامادا، اینترنت سایتیندا تقدیماتی کئچیریلن و مارس آیی اعتباریله یاخشی ساتیلماسی پلان‌لاش‌دیریلان معناسینی، عیرقچی اعتراض‌لار سببیله ساتماق‌دان ایمتیناع ائتدیک‌لرینی دئییب.
دکتلون‌دان ائدیلن آچیقلامادا دا سؤزقونوسو باش اؤرتوسونون بعضی قادینلارین احتیاجینا جواب وئرمک اوچون اوره‌تیلدیغی بیل‌دیریله‌رک، ساتیش پلانی دولاییسی ایله چالیشانلارین حرکت و تهدیدلره معروض قالدیغی قئید ائدیلیب.
فرانسا مالیه ناظیری، مسئله‌یه دایر وئردیگی بیاناتدا،
" قادینلارین آزادلیغینی تیجارت آزادلیغینا اوستون توتورام." ایفاده‌سینی ایستیفاده ائتدی.
ساغلیق ناظیری آژنس بوزین دا،
" قادین-ارکک برابرلیگینی قادینلارین اوزلرینی اؤرتسون دئیه ایستمیریک. (حجابین) اؤلکه‌میزین دگرلرینه اویغون اولمادیغینی دوشونورم، آنجاق قاداغا دئییل. بیر فرانسیز مارکاسی‌نین حجابی دستکلممه‌سینی ترجیح ائدریم." دئدی.
مرکز ساغ جمهوریتچی‌لر پارتیسی‌نین سؤزچوسو آورور برکه، سوسیال مئدیا حسابین‌دان،
" بیر قادین و بیر وطنداش اولا‌راق دگرلریمیزله آیریلان (فرانسیز) بیر مارکایا گوونممگی ترجیح ائدیرم." مساژینی پایلاشدی.
دموکراسی حرکاتی (MoDem) باشقانی فرانسوا بایروو دا، فرانسیز جمعیتی‌نین عنعنوی اولا‌راق اوزو و بدنی حدسیز شکیلده گیزلتمگی رد ائدن بیر جمعیت اولدوغونو دئدی.
دکتلون، سوسیال مئدیا حسابین‌دان بو اعتراض‌لارا،
" بیر حجاب‌دان بحث ائدیریک، هئچ واخت اوزو گیزلتمک سؤز موضوعسو دئییل. قاریشیق‌لیغی قارشی‌سینی آلماق اوچون ایستیفاده اولونان تریم‌لره دقت ائدیلمه‌لی." شکلینده جواب وئریب.
