دموکرات سناتورلار، قاشیقچی ایله باغلی بیر راپور حاضیرلاماسینی ایسته‌دی

آمریکادا بیر قروپ دموکرات سناتور، کونگره‌یه، آمریکا میللی کشفیات دیرکتورو دن کواتس‌ین، سعودی ژورنالیست جمال قاشیقچی جینایتی ایله باغلی راپور حاضیرلاماسینی نظرده توتان بیر قانون لاییحه‌سی تقدیم ائتدی

1153225
دموکرات سناتورلار، قاشیقچی ایله باغلی بیر راپور حاضیرلاماسینی ایسته‌دی

آمریکادا بیر قروپ دموکرات سناتور، کونگره‌یه، آمریکا میللی کشفیات دیرکتورو دان کواتس‌ین، سعودی ژورنالیست جمال قاشیقچی جینایتی ایله باغلی راپور حاضیرلاماسینی نظرده توتان بیر قانون لاییحه‌سی تقدیم ائتدی.

قانون لاییحه‌سینده، کواتس‌ین قاشیقچی جینایتینه دایر، "جینایتی تؤره‌دن‌لرین بو جینایته دوشن‌لرین، قتل امرینی وئرن‌لرین معین ائتمه‌سینی" ده ایچه‌رن بیر راپور تقدیم ائتمه‌سی طلب اولوندو.

قانون لاییحه‌سی‌نین قانونی اولماسی حالیندا، کواتس 30 گون عرضینده سؤز قونوسو راپورو حاضیرلایا‌راق کونگره‌یه تقدیم ائتمک مجبوریتینده قالا‌جاق.

اورگون سناتورو رون ویدن، مسئله‌یه دایر وئردیگی بیاناتدا،

" بو لاییحه، جمال قاشیقچی حاقین‌داکی حقیقت‌لری گیزلتمه‌سی‌نین، باشقان دونالد ترامپ رهبرلیگی‌نین یانینا کار قالمایاجاغی آنلامینا گلیر. سعودی عربیستان حکومتی، بیر واشینگتون پوست مؤلفینی یوزسوزجه اؤلدوردو و بو رهبرلیک (ترامپ)، آمریکا خالقینا بو جینایتین امرینی کیمین وئردیگینی دئمگی رد ائدیر." ایفاده‌سینی ایستیفاده ائتدی.

سعودی ژورنالیست قاشیقچی، ائولی‌لیک عملیات‌لاری اوچون 2 اوکتوبر 2018ده گیردیگی سعودی عربیستانی‌نین ایستانبول باش کونسوللوغوندا وحشی شکیلده اؤلدورولموشدو.

جینایتین اوزرین‌دن کئچن مدتده قاشیقچی-نین نه واخت، هارادا و نئجه اؤلدورولدوغونه باغلی معلومات‌لار اورتایا چیخدی، آنجاق جسدی‌نین یئری هله ده آیدین اولمادی.

آمریکانین واشینگتون پوست قزئتی، آمریکا مرکزی کشفیات تشکیلاتی‌نین (سیا)، قاشیقچی جینایتی‌نین امرینی سعودی عربیستانی‌نین ولیعهد شاهزاده بن سلمانین وئردیگی نتیجه‌سینه نایل اولدوغونو یازمیشدی.

بیرلشمیش میللت‌لر محکمه‌سیز و اؤزباشینا اعدام‌لار اؤزل راپورتورو آژنس کلامارد، قاشیقچی جینایتینه قارشی اولوسلار آراسی سوروشدورما چرچیوه‌سینده 28 ژانویه-3 فوریه‌ده تورکیه‌یه گئرچکلشدیردیگی سفره دایر وئردیگی بیاناتدا

" تورکیه‌دکی وظیفه‌م زامانی توپ‌لانان دلیل‌لر، قاشیقچی-نین، سعودی عربیستانی دولتی مقام‌لاری طرفین‌دن آمان‌سیزلیقلا و اوّلجه‌دن حاضیرلانمیش جینایته قوربان گئتدیگینی گؤستریر." ایفاده‌سینی ایشلتمیشدی.



ایلگیلی‌لی خبرلر