سندرز 2020ده آدای اولاجاق

آمریکادا، ورمونت سناتورو برنی سندرز، 2020دکی پرزیدنت سئچیم‌لرینده آدای اولاجاغینی آچیقلاییب

سندرز 2020ده آدای اولاجاق

آمریکادا، ورمونت سناتورو برنی سندرز، 2020دکی پرزیدنتلیک سئچیم‌لرینده آدای اولاجاغینی آچیقلاییب.

اؤزونو "دموکراتیک سوسیالیست" کیمی آدلاندیران و 2016دکی کامپانیاسی دموکرات‌لارین سیاست‌لرینی یئنی‌دن فورمالاشدیرماسینا سبب اولان 77 یاشلی سندرز، هاوادارلارینا گؤندردیغی میل‌ده، 2020ده پرزیدنت سئچیم‌لرینده آدای اولاجاغینی بیلدیریب.

سندرز، میل‌ده، "کامپانیامیز یالنیز دونالد ترامپی یئنمکله باغلی دئییل. اؤلکه‌میزی دگیشدیرمک، ایقتیصادی، سوسیال، عیرقسال و اکولوژیک عدالت پرینسیپ‌لرینه اساس‌لانان ایداره ائتمه یاراتماقلا باغلی." ایفاده‌سینی ایستیفاده ائتدی.

آمریکا‌لی سناتور، سی.بی.سی‌یه وئردیگی بیاناتدا دا آغ ائوه گئتمک آرزوسونون، 2016نین داوامی کاراکتری داشیدیغینی و ساوونما ائتدیگی سیاستین بو گون دموکرات پارتی طرفین‌دنقکوجاقلان-دیغینی دئییب.

آمریکادا موجود سیاسی سیستمه قارشی تنقیدی داورانیشی ایله تانینان برنی سندرز، 2016دا دموکرات‌لارین پرزیدنت‌لیک اؤن سئچیم‌لرینده کئچمیش خاریجی ایشلر ناظیری هیلاری کلینتون‌ون رقیبی اولموشدو. سندرز، او دؤورده عالی مکتب امک حاق‌لاری‌نین قالدیریلماسی و تک اؤده‌یئن‌لی ساغلیق سیستمی تکلیف‌لری‌نین اودلو ساوونموشدو.

برنی سندرز، بیر موصاحیبه‌سینده،

" دونیانین هر بیر اؤلکه‌سینده، میلیاردر صینیفه ایستدیک‌لری هر شئیین اولمایاجاغینی سؤیله‌ین بیر لیدر هیاتینه احتیاجیمیز وار." ایفاده‌سینی ایشلتمیشدی.



ایلگیلی‌لی خبرلر