پالادینو: سوریه مسئله‌سینده تورکیه ایله فعال تماس‌لاریمیزی داوام ائتدیریریک

پالادینو، ناظیرلیکده کئچیریلن مطبوعات بریفینگینده، آمریکا سوریه‌دن چکمه پروسه‌یه و تورکیه ایله اولان دانیشیق‌لارا دایر قیمتلن‌دیریردی

پالادینو: سوریه مسئله‌سینده تورکیه ایله فعال تماس‌لاریمیزی داوام ائتدیریریک

آمریکا خاریجی ایشلر باخانلیغی سؤزچو یاردیمجیسی رابرت پالادینو، سوریه‌دن چکیلمه قرارینا صادق اولدوق‌لارینی و بو پروسه ایچینده تهلوکه‌سیز بؤلگه یارادیلماسی اوچون تورکیه ایله فعال شکیلده گؤروشدوک‌لرینی بیلدیریب.

پالادینو، ناظیرلیکده کئچیریلن مطبوعات بریفینگینده، آمریکا سوریه‌دن چکمه پروسه‌یه و تورکیه ایله اولان دانیشیق‌لارا دایر قیمتلن‌دیریردی.

آمریکا سوریه‌دن چکیلمه قرارینا صادق اولدوغونو آنجاق بونون اوچون دقیق بیر پروقرام اولمادیغینی بیل‌دیرن پالادینو،

"نیظامی اولا‌راق چکیلمه تاکتیکی دییشیک‌لیک، هدفیمیزده (داعش ایله موباریزه) بیر دییشیک‌لیک یوخ‌دور." ایفاده‌لرینی ایستیفاده ائتدی.

پالادینو، آمریکا سوریه‌دن چکیلمه پروسه‌سینده مومکون تهلوکه‌سیز بؤلگه یاراتماق پلان‌لاری‌نین نه مرحله‌ده اولدوغونا یؤنلیک بیر سوال اوزرینه،

"سوریه مسئله‌سینده تورکیه ایله فعال تماس‌لاریمیزی داوام ائتدیریریک. بو دا آمریکا گوج‌لری‌نین اعتبارلی بیر شکیلده چکیلمه‌سی و سوریه‌نین شمال-شرق ثابت‌لیگینی تامین تلاش‌لاریمیزین بیر حیسه‌سی." دئدی.

همچین‌ین تورکیه‌نین قانونی امنیت قایغی‌لارینی جیدی یاناشدیق‌لارینا دقتی چکن پالادینو،

" فعالیتلریمیزده بون‌لاری نظره آلیریق. کووردیناسیون حالینداییق. بو گؤروشمه‌لردن آچیق آیرینتی‌لار پایلاشاماییق اما داوام ائدیرلر." شکلینده دانیشدی.

پالادینو، روسیا و بشار اسد رژیمی‌نین آمریکانین سوریه‌نی پارچالاماغا چالیشدیغی تقصیرلندیرمه‌لرینه ده توخونا‌راق، سوریه‌نی پارچالاماق کیمی بیر پلان‌لاری‌نین اولمادیغینی، سوریه‌نین بیرلیگی و اراضی بوتؤو‌لوگونو دستکلدیک‌لرینی ایفاده ائتدی.



ایلگیلی‌لی خبرلر