شینزو آبه ترامپی نوبل باریش موکافاتینا نامیزد گؤسترمه‌سی ایله باغلی هئچ بیر شرح وئرمه‌دی

ژاپونیانین باش ناظیری شینزو آبه واشینگتن رهبرلیگی‌نین خواهشی ایله امریکا پرزیدنتی دونالد ترامپی نوبل باریش موکافاتینا نامیزد گؤسترمه‌سی ایله باغلی شرح وئرمک‌دن ایمتینا ائتدی.

شینزو آبه ترامپی نوبل باریش موکافاتینا نامیزد گؤسترمه‌سی ایله باغلی هئچ بیر شرح وئرمه‌دی

ژاپونیانین باش ناظیری شینزو آبه واشینگتن رهبرلیگی‌نین خواهشی ایله امریکا پرزیدنتی دونالد ترامپی نوبل باریش موکافاتینا نامیزد گؤسترمه‌سی ایله باغلی شرح وئرمک‌دن ایمتینا ائتدی.

آبه پارلامئنتده بو ادعا ایله باغلی سوالا: " نوبل کومیته‌سی‌نین تکلیف ائتدیگی شخص‌لرین و نامیزدلرین آدینی وئرممکله باغلی 50 ایل یوروتدوگو سیاستینه رعایت ائده‌رک بونو شرح ائتمک‌دن ایمتینا ائدیرم" دئدی.

دیگر طرف‌دن، باش ناظیر پارلامئنتین آلت قانادیندا بودجه کومیته‌سی‌نین توپلانتی‌سیندا ترامپ حاقیندا مثبت رای بیل‌دیره‌رک: "ترامپ قوزیی کره-نین نوکلئر و راکئت پروبلئم‌لری‌نین حلی مسئله‌سینده قطعیتلی بیر آددیم آتدی. اؤتن ایل امریکا ایله قوزیی کره آراسیندا ذیروه گؤروشو کئچیریلدی".

ترامپین ژاپوینا وطنداش‌لارینی قاچیریلماسینا دایر توکیو رهبرلیگی‌نین ناراحات‌لیق‌لارینی قوزیی کره لیدری کیم چن اینا چاتدیردیغینی و ترامپین لیدرلیگینی چوخ تقدیر ائتدیگینی ایفاده ائدن آبه: "ترامپ و بوتون آغ ائو بو مسئله‌نین حلی ایستیقامتینده فعال امکداش‌لیق ائتدی‌لر" دئیه دانیشدی.

ژاپونیا حکومتی‌نین سؤزچوسو یوشیهیده سوقا دا ترامپین قوزیی کره-نین نوکلئر سیلاحلاریندان‌ تمیزلنمه‌سی جهدلرینه دیر وئردیک‌لرینی سؤیله‌دی.

قئید ائتمک لازیم‌دیر کی، امریکا لیدری دونالد ترامپ فوریه نین 15-ده آغ ائوین چهرایی باغچاسیندا کئچیریلن مطبوعات کنفرانسیندا بو باره‌ده معلومات وئریب.

ترامپین وئردیگی معلوماتا اساساً، شینزو آبه بیر مودت اول نروژ نوبل کومیته‌سینه عنوانلادیغی مکتوبون نسخه‌سینی اونا گؤندریب. امریکانین دؤولت باشچی‌سی‌نین سؤزلرینه گؤره، ژاپونیانین باش ناظیری اونو ژاپون خالقی آدیندان نوبل باریش موکافاتینا نامیزد گؤستریب.

ترامپ : "ژاپونیانین باش ناظیری آبه نوبل باریش موکافاتینی وئرن شخص‌لره عنوانلادیغی والح ائدیجی مکتوبون نسخه‌سینی منه گؤندریب. او بیلدیریب کی، منیم نامیزدلیگیمی ژاپونیا آدیندان ایره‌لی سوروب: "اونلاردان سیزی نوبل باریش موکافاتی ایله تلطیف ائتمه‌یی خواهیش ائدیرم" دئییب

امریکانین سابیق پرزیدنتی باراک اوبامانین بو موکافاتی 2009-جو ایلده، پرزیدنت‌لیگی‌نین ایلک ایلینده آلدیغینی خاطیرلا‌دان ترامپ: "یقین کی، هئچ واخت بو موکافاتی آلمایاجاغام ، اما اولسون. اوبامایا وئردی‌لر، نیه وئردیک‌لرینی او دا باشا دوشمه‌دی. موکافاتی وئردیک‌لرینده 15 ثانیه ایدی کی وظیفه‌سینه باشلامیشدی. نوبل موکافاتینی قازاندی و دئدی: "من بونو حاق ائتمک اوچون نه ائتدیم؟" من ایسه، یقین کی، بو موکافاتی هئچ واخت آلمایاجاغام"دئییب.

ژاپونیانین "Asahi Shimbun"  قزئتی امریکا رهبرلیگی‌نین ترامپ ایله کیم آراسیندان ژوئن آییندا کئچیریلن توپلانتی‌دان سونرا ژاپون حکومتینه ترامپی نوبل باریش موکافاتینا نامیزد گؤسترمه‌سی ایله باغلی غیری-رسمی خواهیش ایله مراجعت ائتمه‌سی باره‌ده خبر یاییب.



ایلگیلی‌لی خبرلر