آمریکادا سلاح‌لی سالدیری

آمریکا بیرلشمیش ایالتلری ده، ایلینوی ایالتینین آئورورا شهرین‌ده‌کی بیر ایش یئرین‌ده سلاحلا آتیش ائدیلمه‌سی نتیجه‌سین‌ده ۵ نفر حیاتینی ایتیردی، ۵ پلیس مأمورو دا یارالاندی.

آئورورا شهری پلیس رئیسی کریستین زیمان، وئردیگی مطبوعات کنفران‌سین‌دا، سلاح‌لی سالدیرییلا باغلی معلومات وئردی.

زیمان، سالدیرقانین اؤلو اله گئچیریلدیگینی ایفاده ائتدی.

زیمان، سالدیرقانین آدینین ۴۵ یاش‌لی گری مارتین اولدوغونو و آتیش ائتدیگی ایش یئرین‌ده چالیشدیغینی قید ائتدی.

آمریکا پرزیدنتی دونالد ترامپ، حادثه ایله باغلی سوسیال شبکه تویتردن وئردیگی آچیقلاما‌دا،

"ایلیونیس، آورورادا گوونلیک گوجلری بؤیوک ایش باشاردی. قوربانلارا و عائله‌لرینه ان ایچدن باش ساغلیغی دیله‌کلریمی یئتیریرم. آمریکا سیزینله!" ایفاده‌سینی ایشلتدی.

جمعه گونو گون اورتادان سونرا سلاح‌لی بیر سالدیرقان، شیکاگو شهرینین تخمیناً ۶۵ کیلومتر باتیسیندا یئرلشن ۲۰۰ مین جمعیت‌لی آئورورا شهرین‌ده‌کی هنری پرات آدلی ایش یئرین‌ده سلاحلا آتیش ائتدیگی قید ائدیلمیشدی.