آمریکادا کئچمیش هاوا گوج‌لری چالیشانلارینا ایران جاسوسو اتهامی

آمریکادا کئچمیش هاوا گوج‌لری کشفیات متخصصی بیر قادین، ایران اوچون جاسوسلوق ائتمکله گوناهلاندیردی

1145147
آمریکادا کئچمیش هاوا گوج‌لری چالیشانلارینا ایران جاسوسو اتهامی

آمریکادا کئچمیش هاوا گوج‌لری کشفیات متخصصی بیر قادین، ایران اوچون جاسوسلوق ائتمکله گوناهلاندیردی.

آمریکا عدلیه ناظیرلیگی، فدرال سوروشدورما بوروسو اف.بی.آی و هاوا گوج‌لری مسئول‌لاری، واشینگتوندا وئردیک‌لری آچیقلامادا، بیر ایلدیر داوام ائدن آراشدیرما‌لاری نتیجه‌سینده هاوا گوج‌لرینده کشفیات متخصصی اولا‌راق ایشله‌ین مونیکا ویتین ویت‌ین، ایران حکومتی آدینا جاسوسلوق ائتمکله گوناهلاندیردیغینی آچیقلاییب.

مسئوللار، وظیفه مدتینده چوخ گیزلی معلومات‌لاری الده ائدن ویت حاقیندا "میللی ساوونما معلومات‌لارینی خاریجی بیر حکومت ایله بؤلوشمک" و "تله قورماق" اتهام‌لاری یؤنلدیلدیگینی وورغولادی.

ویت، حاقیندا حاضیرلانان 27 صحیفه‌لیک ایتیهامنامه‌یه گؤره آمریکا و ایران وطنداشی اولان بیر نفر طرفین‌دن جاسوسلوقلا تاپشیریلیب.

ایران اینقیلاب محافیظچی‌لری‌نین ایسپونسور اولدوغو بیر کونفرانس اوچون 2012ده ایرانا گئتدیگی بیل‌دیریلن ویت‌ین، آوقوست 2013ده ایرانا کئچدیگی و حاضیردا ایران‌دا اولدوغو بیلدیریلیب.

ادعانامه‌ده، ویت‌ین چوخ گیزلی بیر پنتاگون پروقرامی‌نین کود آدینی و میسیونونو ایران‌لی شخص‌لرله پایلاشدیغی و آمریکانین بیر قارشی جاسوسلوق آژانسین آدینی ایرانا وئردیگی قئید ائدیلیب.

آمریکا هاوا گوج‌لرینده 1997دن 2008ه قدر خیدمت ائدن ویت، 2010ا قدر ده اؤزل آراشدیرما‌لار بؤلومونده ساوونما اوستلنیجی‌سی اولا‌راق چالیشدی.

مسئوللار، ویت‌ین، خاریجی کشفیات و قارشی-جاسوسلوق کوللکسیونو ایله باغلی چوخ گیزلی میللی ساوونما معلومات‌لارینا گیریش اولدوغونو وورغولاییب.



ایلگیلی‌لی خبرلر