ال چاپویا ۱۰ سوچلاما
جیرتدان، ۲۰۰۱ و ۲۰۱۵.جی ایللرده مکزیکده ایکی یوکسک گوونلیکلی حبسخانادان قاچمیشدی
دونیانین ان بؤیوک اویوشدوروجو هؤرگوتونون چته‌یاشی اولماقلا سوچلانان ال چاپو (جیرتدان) لقب‌لی خواکین گوزمن، آمریکا بیرلشمیش ایالتلرینین نیویورک ایالتین‌ده‌کی شکایت حاقین‌داکی سوچلامالارین اونون‌دان سوچلو گؤرولدو.
مکزیکلی اویوشدوروجو کارتلی سینالوانین چته‌باشی اولاراق یاسادیشی یوللاردان تخمیناً ۱۴ میلیارد دلار گلیر الده ائتدیگی قید اولونان گوزمن، نیویورک فدرال محکمه‌سین‌ده محاکیمه اولوندو.
گوزمن، "آرالیقسیز سوچا گیریشمک، اویوشدوروجو گلیرلرینی آغ‌لاماغا تشبوث، سلاح‌لی ائیلم، آدام اؤلدورمه، قانون‌سوز آلماس تیجارتی، اولوسلارآراسی کوکائین، هروین، ماریجوانا و دیگر اویوشدوروجو ماده تیجارتی" کیمی ۱۰ سوچلامانین بوتونوندن سوچلو گؤرولدو.
قرار جلسه‌سینین ژوئنین ۲۵ده اولاجاغی بیلدیریلدی.
داها اول فوربس میلیاردرلر لیسته‌سینده یئر آلان و اوزون زامان‌دیر آختاریلان بیری اولان گوزمن، ۲۰۰۱.جی ایلده مکزیکده‌کی بیر حبسخانادان پالتار داشینان ال آراباسین‌دا گیزلنه‌رک قاچدی.
گوزمن، ۲۰۰۱ و ۲۰۱۵.جی ایللرده مکزیکده ایکی یوکسک گوونلیکلی حبسخانادان قاچدیق‌دان سونرا ژانویه ۲۰۱۶دا تکرار یاخالانمیش و آمریکایا اعاده ائدیلمیشدی.
