بمت-نین خاشقچی جینایتیله باغلی راپورو

بمت تورکیه-‌نین سعودیه‌لی ژورنالیست جمال خاشقچی جینایتی ایله باغلی احاته‌لی، دقیق، طرف‌سیز و شفاف شکیلده آراشدیرماسینا سعودیه عربیستانی طرفیندن مانع اولوندوغونو بیلدیردی.

1141168
بمت-نین خاشقچی جینایتیله باغلی راپورو

بمت تورکیه-‌نین سعودیه‌لی ژورنالیست جمال خاشقچی جینایتی ایله باغلی احاته‌لی، دقیق، طرف‌سیز و شفاف شکیلده آراشدیرماسینا سعودیه عربیستانی طرفیندن مانع اولوندوغونو بیلدیردی.

بمت-نین اینسان حاق لاری عذره خصوصی نوماینده سی اگنس کالامارد کئچن هفته تورکیه-‌ده جینایتله باغلی آپاردیغی تدقیقات‌لاردان سونرا راپور حاضرلادی.

بمت-نین آچیقلادیغی راپوردا جینایتین سعودیه عربیستانی دؤولت رسمی‌لری طرفیندن پلانلاشدیریلدیغی و تورکیه-‌نین حادثه نی آیدین‌لاش‌دیرماق جهدلرینه جدی مانعه‌لر یارادیلدیغی ایفاده اولونوب.

"دلیل‌لر جمال خاشقچی‌نین سعودیه عربیستانی دؤولت رسمی‌لری طرفیندن پلنلاشدیریلدیغی و وحشی‌لیکله حیاتا کئچیریلدیگینی گؤستریر. خاشقچی‌نین اؤلدورولمه‌سی اولوسلار آراسی حقوقون و اولوسلار آراسی علاقه‌لرین پوزونتوسودور" - دئیه راپوردا بیلدیریلیر.

جینایتله علاقه‌دار بیلگی و کشفیاتی اولان‌لارا بون‌لاری بؤلوشمه‌سی اوچون چاغیریش ائدن اگنس کالامارد حادثه ایله علاقه‌لی سفریندکی دستکینه گؤره تورکیه-‌یه تشککور ده ائتدی.  

قئید ائدک کی، جمال خاشیقچی اؤتن ایل اوکتبرین 2-ده ائولی‌لیک ایشلری اوچون سعودیه عربیستانی‌نین ایستانبول‌داکی باش کونسول‌لوغونا گئدیب و داها سونرا اوندان خبر اولماییب. سعودیه عربیستانی رهبرلیگی ژورنالیستین کونسوللوق بیناسیندا قتله یئتیریلدیگینی تصدیقله‌ییب. ایستانبول جمهوریت باش ساووجلیغی خاشقچی‌نین جسدی‌نین پارچالاندیغی و محو ائدیلدیگینی بیلدیریب.



ایلگیلی‌لی خبرلر