پاپا فرانسیسکو، آرابولوچولوق ائتمهیه حاضیر اولدوغونو بیلدیریب
کاتولیک دونیاسینین روحانی لیدری پاپا فرانسیسکو، ونزوئلادا طرفلرین راضیلاشما، ایستمهلری حالیندا آرابولوچولوق ائتمهیه حاضیر اولدوغونو بیلدیریب
کاتولیک دونیاسینین روحانی لیدری پاپا فرانسیسکو، ونزوئلادا طرفلرین راضیلاشما، ایستمهلری حالیندا آرابولوچولوق ائتمهیه حاضیر اولدوغونو بیلدیریب.
پاپا، بیرلشمیش عرب امیرلیکلری سفرینین آردیندان رومایا قاییدارکن اوچاقدا ژورنالیستلره بعضی بیاناتلار وئردی.
ایسپانیانین ایگید آژانسینین وئردیگی خبرده پاپا، ونزوئلا دولت باشقانی نیکولا مادورونون اونا گؤندردیگی و اؤلکهسیندکی حادثهلره موداخیله ائتمهسینی ایستدیگی مکتوبو هله اوخومادیغینی بیلدیریب.
" هنوز مکتوبو اوخومامیشام. نه ائتمک گؤرجگیک." دئین پاپا فرانسیسکو،
" بیر آرابولوچولوق کئچیریلمهسی اوچون طرفلرین (ونزوئلا پرزیدنتی نیکولاس مادورو و اؤزونو موقتی پرزیدنت اعلان ائدن میللی مجلیسین باشقانی خوان گوایدو) راضیلیغینا احتیاج وار. باشلانیقیج شرطلری چوخ آیدین. طرفلر بونو ایستهسین، هر زامان حاظیریق." ایفادهسینی ایستیفاده ائتدی.
آرابولوچولوقدان اوّل بعضی کیچیک آددیملار آتیلماسی لازیم اولدوغونو قئید ائدن پاپا،
" سادهجه واتیکان طرفیندن دئییل، بوتون دیپلوماسیدن کیچیک باشلانقیج آددیملاری آتیلمالی. بیری یاخینلاشماق، دیگری ده مومکون دیالوقو باشلاماق اوچون. دیپلوماسی بئله ایشلر." دئیه دانیشدی.
دیگر طرفدن، ونزوئلا پرزیدنتی نیکولاس مادورو دا ایتالیا ایسکی 24 تلویزیونا وئردیگی موصاحیبهده،
حضرتی عیسینین ایشینین خیدمتینده اولدوغومو سؤیلهیهرک، پاپا فرانسیسکویا بیر مکتوب گؤندردیم. اومید ائدیرم کی، رومایا، واتیکانا گلمیشدیر، یا دا چاتماغا یاخیندیر. و بو روحلا، دیالوقون گوجلندیریلمهسی و پروسسین آسانلاشدیریلماسی اوچون کؤمک ایستدیم." ایفادهسینی ایستیفاده ائتدی.