استولتنبرگ: " INFموقاویله‌سی‌نین اولمادیغی بیر دونیایا حاضیرلاشمالیییق"

ناتو باش کاتیبی ینس استولتنبرگ: "اورتا منزیل‌لی نوکلئر قوه‌لری موقاویله‌سی‌نین (INF) اولمادیغی بیر دونیایا حاضیرلاشمالیییق. ناتو-نون حربی رسمی‌لری بو وضعیتین نتیجه‌لرینه دایر ایشلر آپارماغا باشلاییب" دئدی.

1136790
استولتنبرگ: " INFموقاویله‌سی‌نین اولمادیغی بیر دونیایا حاضیرلاشمالیییق"

ناتو باش کاتیبی ینس استولتنبرگ: "اورتا منزیل‌لی نوکلئر قوه‌لری موقاویله‌سی‌نین (INF) اولمادیغی بیر دونیایا حاضیرلاشمالیییق. ناتو-نون حربی رسمی‌لری بو وضعیتین نتیجه‌لرینه دایر ایشلر آپارماغا باشلاییب" دئدی.

ناتو باش کاتیبی ینس استولتنبرگ بوخارست-ده رومینیا پرزیدنتی کلاوس یوهانیس ایله گؤروشدو.

گؤروش‌دن سونرا مطبوعات کنفرانسی کئچیرن استولتنبرگ رومینیانین بیرلیگه تحفه لریندن و مودافعه خرج‌لرینی آرتیرماقلا باغلی پلان‌لارینا گؤره ممنونیت حیسی کئچیردیگینی دیله گتیردی.

استولتنبرگ دسامبردا کئچیریلن ناتو خاریجی ایشلر ناظیرلری‌نین توپلانتی‌سی چرچیوه‌سینده امریکا‌نین روسیایا INF موقاویله‌سی‌نین عهده لیکلرینی یئرینه یئتیرمه‌سی اوچون 60 گون وئردیگینی خاطیرلادا‌راق، بو مودتین 2 گون سونرا بیته جگینی قئید ائتدی.

بو مودت عرضینده ایرلیلییش اولمادیغینی، روسیانین SSC-8  تیپ‌لی یئنی راکت سیستمی ایله INF موقاویله‌سینی پوزدوغونو دیله گتیره استولتنبرگ: " INF موقاویله‌سی‌نین اولمادیغی بیر دونیایا حاضیرلاشمالیییق. ناتو-نون حربی رسمی‌لری بو وضعیتین نتیجه‌لرینه دایر ایشلر آپارماغا باشلاییب" دئیه دانیشدی.

استولتنبرگ یئنی بیر سیلاحلانما یاریشی‌نین هئچ کیمین خئیرینه اولمایاجاغینا دقتی چکه‌رک، سلاح‌لارین یوخلانماسینا دایر یئنی جهدلری‌نین آراشدیریلماسی‌نین واجیب اولدوغونو ایفاده ائتدی.

دیگر طرف‌دن، ناتو-نون "آچیق قاپی سیاستی"نین یورودولمه‌سی مسئله‌سینده قرارلی اولدوغونو قئید ائدن استولتنبرگ بو چرچیوه‌ده بیرلیگ عضو‌لری‌نین مقدونیه-نین قوشولما پروتوکولونو ان قیسا زاماندا ایمضالاماسینی گؤزله‌دیگینی ده سؤزلرینه علاوه ائتدی.

استولتنبرگ: "بوتون عضو‌لر قوشولما پروتوکولونو قبول ائدن زامان قوزیی مقدونیه جمهوریتینی ناتو-نون 30-جو عضوو کیمی قبول ائدجییک" دئدی.

مقدونیه-نین ناتو توپلانتی‌لارینا دا دعوت ائدیله جگینی آچیقلایان استولتنبرگ بو اؤلکه‌نین عضو‌لوگونون بوتون بولگه  و آوروپادا ثابت‌لیک و باریشا تحفه وئرجگینی قئید ائتدی.

بو آرادا، ناتو باش کاتیبی استولتنبرگ "Huawei"ین مالیه ایشلری عذره مودیری مینگ وانجوونون امریکانین ایران تحریم لرینه عمل ائتمه‌مه‌سی سببیندن بو اؤلکه‌نین طلبی ایله دسامبر آییندا کانادا مقام لاری طرفیندن حبس اولونماسیندان سونرا چین طرفیندن عینی آیدا حبس اولونان کانادا‌لی‌لار ایله باغلی پکن رهبرلیگینی عدالت‌لی رفتار ائتمه‌یه چاغیردی..

چین-ده هبس اولونان کانادا‌لی‌لارین وضعیتینی ناراحات‌لیقلا ایزله دیگینی دئین استولتنبرگ، پکن رهبرلیگینه بو شخص‌لرین عاجیل شکیلده آزادلیغا بوراخیلماسینی ایسته‌ین کانادانین قایغی‌لارینی نظره آلماغا چاغیردی.



ایلگیلی‌لی خبرلر