ونزوئلادان آوروپا بیرلیگینین سئچیم چاغیریشینا جواب
آرئازا، بیرلشمیش میللتلر امنیت کونسئیینین ونزوئلاداکی کریزی گؤروشدوگو اوتورومدا چیخیشیندا، آمریکانین، اؤلکهسینده دولت چئوریلیشی ائتمکله گوناهلاندیردی
ونزوئلا خاریجی ایشلر ناظیری یورگ آرئازا، آوروپا بیرلیغینین نیکولاس مادورو حکومتینه 8 گون عرضینده یئنی پرزیدنت سئچیملری چاغیریشی ائتمهسینی عکس تقدیرده میللی مجلیس باشقانی خوان گوایدونو موقتی باشقان کیمی تانییاجاغینی آچیقلاماسینا دایر،
" آوروپا بیزه 8 گون وئریر. حاکم بیر میللته قارشی بو گوجو و یا اولتیماتومو هارادان آلیرسینیز؟ بو اوشاق مودئلی موداخیلهچی موناسیبت هارادان گلیر؟" دئدی.
آرئازا، بیرلشمیش میللتلر امنیت کونسئیینین ونزوئلاداکی کریزی گؤروشدوگو اوتورومدا چیخیشیندا، آمریکانین، اؤلکهسینده دولت چئوریلیشی ائتمکله گوناهلاندیردی.
ناظیر آرئازا،
" آمریکا، چئوریلیشینین آرخاسیندا دئییل، شخصاً آپاریجیسی، ونزوئلادا موخالیفته و نؤکر اؤلکهلره گؤستریش وئریر و دیکته ائدیر." دئدی.
ونزوئلادا هفته ایچی موخالیفت و ایقتیدار طرفدارلارینین کئچیردیگی گؤستریلر سونراسی، اکثریتی موخالیفتین الیندکی میللی مجلیسین باشقانی خوان گوایدو، موخالیفتچیلرین گؤستریسینده اؤزونو موقتی پرزیدنت اعلان ائتمیش و باشدا آمریکا اولماقلا آرالاریندا کانادا، کولومبیا، پرو، اکوادور، پاراگوا، برزیل، شیلی، پاناما، آرژانتین، کوستاریکا و گواتمالانین دا اولدوغو بعضی اؤلکهلر طرفیندن تانینمیشدی.
تورکیه، مکزیک، روسیا، کوبا، چین و بولیوی ایسه نیکولاس مادورو حکومتینه دستکلرینی تکرارلامیشدی.