پنس: "ترورلا موباریزه داوام ائده‌جک"

امریکانین باشقان یاردیمجیسی مایک پنس سوریه-دن چیخا‌جاق‌لارینی، آنجاق ترور تشکیلاتی داعش-ین چیرکین اوزونو یئنی‌دن گؤسترمه‌یه‌جگیندن امین اولماق اوچون ترورلا موباریزنی داوام ائتدیره‌جک‌لرینی سؤیله‌دی.

1127528
پنس: "ترورلا موباریزه داوام ائده‌جک"

 

امریکانین باشقان یاردیمجیسی مایک پنس سوریه-دن چیخا‌جاق‌لارینی، آنجاق ترور تشکیلاتی داعش-ین چیرکین اوزونو یئنی‌دن گؤسترمه‌یه‌جگیندن امین اولماق اوچون ترورلا موباریزنی داوام ائتدیره‌جک‌لرینی سؤیله‌دی.

مایک پنس دونن منبیچ-ده تؤره‌دیلن پارتلاییشدان سونرا وئردیگی ایلک آچیقلامادا بیلدیردی کی، قوشون‌لار سوریه-دن چیخیر، داعش مغلوب اولدو. آنجاق ترورلا موباریزه داوام ائده‌جک. امریکا عسگرلری‌نین، ائله‌جه ده کوالیسیون دا ایشتیراک ائدن اؤلکه‌لرین ترورا قارشی الده ائتدیگی غلبه‌نین قورونماسی اوچون جهد گؤستریله‌جک.

قئید ائدک کی، دونن منبیچ-ده امریکا حربی نظارتی‌نین اولدوغو یولدا پارتلاییش باش وئرمیشدی.

امریکانین باشچیلیغینداکی داعش علیهینه کوالیسیون قوه‌لری‌نین سؤزچوسو آلبای شان ریان مسئولیتی داعش-ین اوزرینه گؤتوردوگو پارتلاییشدا امریکا عسگرلری‌نین اؤلدوگونو آچیقلامیشدی.



ایلگیلی‌لی خبرلر