امریکا نوماینده هئیتی تورکیه-یه گلدی

تورکیه‌یه 3،5 میلیارد دو‌لارلیق "پاتریوت" راکت سیستمی‌نین ساتیشینی تکلیف ائدن امریکادان پایتاخت آنکارایا ایکینجی دفعه هئیت گلدی.

امریکا مودافعه ناظیرلیگیندن گلن هئیتین گون عرضینده آنکارادا مودافعه صنایعسی صدرلیگینده گؤروش‌لر کئچیردیگی بیلدیریلیر.

امریکا هئیتی‌نین ژانویه نین 3-ده آنکارایا رئاللاشدیردیغی سفرینده گوندمه گتیردیگی 3،5 میلیارد دو‌لارلیق "پاتریوت" راکت سیستمی‌نین ساتیشینا دایر تکلیفی تکنیکی هئیت‌لر طرفیندن قیمتلندیریلیر.

گؤروش‌لرده اویغون کردیت، تکنولوژی ترانسفری و بیرگه اوره تیم کیمی طلب‌لرین گوندمه گلجیی بیلدیریلیر.

هئیت آنکارا‌داکی گؤروش‌لرینی صاباح دا داوام ائتدیره‌جک.

امریکا خاریجی ایشلر ناظیرلیگی نین تصدیقیندن سونرا یئنی‌دن گونمه‌ده گلن "پاتریوت" هاوا مودافعه سیستمی جمعی 140 عدد راکت و علاقه‌لی اکیپاژ احاته ائدیر.

امریکا خاریجی ایشلر ناظیرلیگی 3،5 میلیارد دو‌لار مبلغیندکی "پاتریوت" سیستم‌لری‌نین تورکیه-‌یه ساتیشینی 19 دسامبردا تصدیقله میشدی.