جان بولتون، آمریکانین سوریه‌دن چیخماسینا دایر ایسرائیله ضمانت وئریب
ایسرائیل باش ناظیری بنیامین نتانیاهو، اؤلکه‌سینی زیارت ائدن بولتون ایله، غربی قودس‌دکی باش ناظیرین اوفیسینده بیرگه مطبوعات کونفرانسی کئچیریب
آمریکانین پرزیدنتی دونالد ترامپ‌ین میللی امنیت موشاویری جان بولتون، اؤلکه‌سی‌نین سوریه‌دن چیخماسینا دایر ایسرائیله ضمانت وئریب.
ایسرائیل باش ناظیری بنیامین نتانیاهو، اؤلکه‌سینی زیارت ائدن بولتون ایله، غربی قودس‌دکی باش ناظیرین اوفیسینده بیرگه مطبوعات کونفرانسی کئچیریب.
بولتون، بورادا ائتدیگی چیخیشیندا، آمریکان عسگرلری‌نین سوریه‌دن چکیلمه‌سی‌نین، واشینگتونون موتتفیق‌لری‌نین ساوونماسینی تامین ائده‌رک ائدیله‌جگینی بیلدیریب.
ایسرائیل باش ناظیری نتانیاهو دا آمریکانین بیرلشمیش میللت‌لر (بمت) ده اولارا تام دستک وئردیگینی سؤیله‌یه‌رک،
"سیزهمچینین ایسرائیلین اؤزونو ساوونما حقوقونا دستک وئریرسینیز، بیز ده بو حاقیمیزی دایم ایستیفاده ائدیریک" دئدی.
نتانیاهو آمریکانین، ایسرائیلین ان بؤیوک موتتفیقی اولدوغونو قئید ائده‌رک،
"بیزیم اوچون اهمیتلی اولان، ان بؤیوک دوستوموز و ان بؤیوک موتتفیقیمیز آمریکانین دستگینی آلدیغیمیزی بیلممیزدیر." ایفاده‌لرینی ایستیفاده ائتدی.
نتانیاهو همچینین، ایشغال آلتین‌داکی جولان تپه‌لری‌نین ده اؤلکه امنیتی اوچون اهمیتینه ایشاره ائده‌رک، بو ساحه‌دن بیر داها چکیلمه‌یه‌جک‌لر قئید ائدیب.
آمریکا سوریه‌دن چیخاریلماسی مسئله‌سینده الاقلندیرمه گؤروشمه‌لری کئچیرمک اوچون شنبه آخشامی ایسرائیله گئدن بولتون، ایسرائیلین باش ناظیری نتانیاهو ایله گؤروشمه‌سین‌دن اؤنجه ژورنالیست‌لره وئردیگی آچیقلامادا، ترور تشکیلاتی ی.پ.گ/پ.ک.ک-نی نظرده توتا‌راق، آمریکانین سوریه‌دن چکیلمه‌سی‌نین تورکیه‌نین "کورد ساواشچیلارین" امنیتینی تامین ائتمه‌سی و داعشین اولماسی شرطینه باغلی اولدوغونو سؤیلمیشدی.
بولتون‌ون ترورچولاردان ساواشچی اولا‌راق بحث ائتمه‌سی آنکارادا بؤیوک ناراضی‌لیقلا قارشیلانمیشدی.
