باغیمسیزلیق یانلی‌لاری یوللاری قاپاتدی

ایسپانیادا مرکزی حکومتین، بارسلونادا ائتدیگی باخانلار قورولونون توپلانتیسینی "تخریبات" اولاراق دگرلندیره‌ن باغیمسیزلیق یانلیسی کاتالانلارین گؤستریلرین‌ده ۷۷ نفر یارالاندی، ۱۲ نفر ده گؤزآلتینا آلیندی. بارسلونادا دونن سحر باشلایان گؤستریلر، باش‌دا نقلیات اولماق اوزره حیاتی فلج ائتدی. کاتالونیادا باغیمسیزلیق طرفداری مولکی ائیلملرده شدت اولایلاری ایله اؤنه چیخان جمهوریتی ساوونما کمیته‌سینین سوسیال مئدیا واسطه‌سیله ائتدیگی چاغریلارلا توپلانان گؤستری‌چیلر، زامان زامان شهرین فرق‌لی نقطه‌لرین‌ده پلیسله دالاشدی. ایچ ایشلری باخانلیغی و کاتالونیا یئرلی یؤنتیم طرفین‌دن وئریلن آچیقلامالاردا، چیخان حادثه‌لرده ۳۵ی کاتالونیا یئرلی پلیسی اولماقلا ۷۷ نفرین یارالاندیغی، ۱۲ گؤستریچینین ده گؤزآلتینا آلیندیغی بیلدیریلدی.

گؤستری‌چیلرین شهرین آنا یوللاریندا ترافیکی دوردوردوغوندان اؤترو چوخ ساییدا کامیون یوللاردا قالارکن، وطنداشلارین ایشلرینه، اوشاقلارین دا اوخولا گئتمه‌لرین‌ده جدی پروبلئملر یاشاندی. اتوبوس سفرلرینین ایسه لغو اولدوغو آچیقلاندی.

بعضی سندیکالارین اعتصابیندان دولایی بارسلونا ایله باغلانتی‌لی مین دولاییندا ترن سفری ده دوردورولدو.

 شیدته دؤنوشن گؤستریلردن ضرر گؤرمه قایغیسییلا شهر مرکزینده‌کی دوکانلار دا قاپالی ایدی.

اؤته یاندان ایسپانیاداکی آزینلیق حوکومتی، باخانلار قورولو توپلانتیسینی بارسلونادا ائدرک دیالوگ مئساژی وئردیگینی، کاتالونیاداکی سیاسی سورونو چؤزمک اوچون "کانال آچماق ایسته‌دیگینی" ادعا ائتدی.

 ایسپانیا حوکومتی، باخانلار قورولوندا بارسلوناداکی ال پرات هاواآلانینین آدینین، ژوسپ تارادللا اولاراق دییشدیریلمه‌سی قراری آلدی.

ایسپانیادا دیکتاتور فرانسیسکو فرانکو دؤنمینده سورگونده اولان تارادلاس، فرانکونون اؤلومو سونراسین‌دا دموکراسیه گئچیشده کاتالونیانین ایلک اؤزارک یؤنئتیم باشقانی اولموشدو. حکومت، ۱۹۴۰.جی ایلده قورشونلاناراق اؤلدوروله‌ن اسکی کاتالونیا اؤزارک ایداره باشقانی لوئیس کومپانیس ایله ایلگیلی قراری وئر‌ن دیکتاتور فرانکو حکومتینین بو قرارینی قینایان و رد ائد‌ن بیر بیاننامه‌نین، مجلیسه تقدیم ائدیلمه‌سی قرارینی دا آلدی. باخانلار قورولونون آیریجا کاتالونیاداکی اتویوللارین باخیم و اوناریمی اوچون ۱۱۲،۷۷ میلیون یورولوق بیر بودجه وئریلمه‌سی قراری آلیندیغینی دا آچیقلادی.