"ساری جیلیقالیلار" 360 یولو باغلادی‌لار
فرانسا-دا "ساری جیلیقالیلار" اولکه داخیلینده 360 یولو باغلادیغی بیلدیریلدی.
فرانسانین داخیلی ایشلر عذره دؤولت ناظیری لاورنت نونز "RMC" رادیوسونا وئردیگی موصاحیبه‌ده شنبه گونون‌دن اعتباراً "ساری جیلیقالیلار"ین باغلادیق‌لاری 170 یولون پولیس طرفیندن آچیلدیغینی بیلدیردی.
داخیلی ایشلر ناظیری کریستوفر کاستانر "ساری جیلیقالیلار"ین اؤلکه داخیلینده کی بو فعالیت‌لری‌نین عاجیل اولا‌راق دایاندیریلما‌لی اولدوغونو قئید ائده‌رک: "نوماییش‌لرین باشلانغیجیندان بو یانا 8 اینسان هلاک اولوب. سون 30 ایلده بو قدر اینسانین اؤلدوگو باشقا بیر سوسیال پروبلئم اولدو مو؟ آچیق دئییرم: "آرتیق بس‌دیر" دئمیشدی.
قئید ائتمک لازیم‌دیر کی، فرانسادا یانا‌جاق قیمت‌لری‌نین آرتیریلماسینا و ایقتیصادی شرط‌لرین آغیرلاشماسینا رئاکسیا اولا‌راق نوامبرین 17-ده باشلایان، سونرا ماکرون حاکمیتینه قارشی غضبه چئوریلن "ساری جیلیقالیلار"ین نوماییش‌لری اؤلکه‌ده سون ایللرین ان گوچ‌لو اعتراضلاری ساییلیر.
آکسیا‌لاردا بو آنا قدر 8 نفر هلاک اولوب، تخمینن 4 مین 341 نفر ساخلانیلیب، مین‌دن چوخ اینسان یارالانیب.
