پروشنکو بروکسل-ده ناتو-نون باش کاتیبی ایله گوروشدو

ناتو باش کاتیبی ینس استولتنبرگ آزوف دنیزینده روسیا ایله اوکراینا آراسیندا نوامبرین 25-ده باش وئرن گرگین‌لیگه گؤره ناراحات اولماغا داوام ائتدیک‌لرینی بیلدیردی.

1106715
پروشنکو بروکسل-ده ناتو-نون باش کاتیبی ایله گوروشدو

ناتو باش کاتیبی ینس استولتنبرگ آزوف دنیزینده روسیا ایله اوکراینا آراسیندا نوامبرین 25-ده باش وئرن گرگین‌لیگه گؤره ناراحات اولماغا داوام ائتدیک‌لرینی بیلدیردی.

استولتنبرگ و اوکراینانین دؤولت باشچی‌سی پترو پروشنکو بلژیک-ین پایتاختی بروکسل-ده کی ناتو قرارگاهیندا ایکی طرف‌لی دانیشیق‌لار آپاردی‌لار.

دانیشیق‌لاردان سونرا مطبوعات کنفرانسی کئچیریلدی.

استولتنبرگ کنفرانسدا اوکراینانین دیرلی "طرفداش و دوست" اؤلکه اولدوغونو خاطیرلادا‌راق: "آزوف دنیزینده کی آرتان گرگین‌لیک‌دن ناراحات اولماغا داوام ائدیریک. روسیانین اوکراینایا مخصوص گمی و دنیزچیلره قارشی گوج ایستیفاده ائتمه‌سی‌نین هئچ بیر اساسی اولا بیلمز" دئدی.

ناتو-نون باش کاتیبی روسیایا ضبط ائتدیگی گمی و خدمه سینی عاجیل اولا‌راق آزاد اولونماسی و آزوف دنیزینده حرکت سربست‌لیگی‌نین تعمین ائدیلمه‌سی چون چاغیریش ائتدی.

وضعیتین روسیانین غیری ثابتلیک یارا‌دان داورانیش‌لاری‌نین بیر پارچاسی اولدوغونو قئید ائدن استولتنبرگ دوغو اوکراینادا دا آتشکه‌سین تز-تز پوزولدوغونا دقت چکدی.

استولتنبرگ قیریم-ین غیری-قانونی ایلحاقینی گوجلو بیر شکیلده قینادیق‌لارینی خاطیرلاتدی، اؤتن آی اوکراینانین گونئی–دوغوسونداکی دونتسک بؤلگه‌سینده کئچیریلن قوندارما سئچکی‌لرین مینسک راضیلاشماسینی پوزدوغونو بیلدیردی.

باش کاتیب ناتو-نون اوکراینایا سیاسی و پراکتیکی دستک وئرمه‌یه داوام ائتدیگینی، روسیانین تجاووزونه قارشی ناتونون قارا دنیزده مؤجودلوغونو گوجلندیردیگینی قئید ائتدی.

اوکراینا پرزیدنتی پترو پروشنکو ایسه روسیانین اولوسلار آراسی سولاردا آچیق بیر شکیلده زوراکی‌لیق تطبیق ائتدیگینی بیلدیردی.

پروشنکو: "روسیا قیرمیزی خطی کئچدی. بونا گوج‌لو بیر رئاکسیا وئرمه‌مک اولماز" دئیه وورغولادی.

روسیانین اوکراینا گمی و خدمه سینه قارشی هوجوم‌لاری‌نین تکجه اوکراینانی دئییل، بوتون یورو-آتلانتیک مکانی هدف آلدیغی‌نین قئید ائدن پروشنکو مسکوا رهبرلیگی‌نین جدی شکیلده اعتبارلی‌لیغینی ایتیردیگینی ایفاده ائتدی.

ناتو-نون اوکراینایا وئردیگی دستکی ممنونیتله قارشیلادیق‌لارینی دیله گتیرن پروشنکو: "اوکراینانی دستک‌له‌مک و روسیانین تجاووزکارلیغینا قارشی چیخماق آزاد دونیا اوچون قویولا بیله‌جک ان یاخشی سرمایه‌دیر"دئدی.

اوکراینا پرزیدنتی بروکسل-ده دانیشیق‌لاریندا آوروپا شوراسی‌نین صدری دونالد توسک ایله ده گؤروشدوگونو قئید ائتدی، ناتو و آوروپا بیرلیگی روسیانین آزوف دنیزین‌دکی تجاووزکارلیغی ایله علاقه‌سی اولان آدام‌لارین آدلارینی وئردیگینی سؤیله‌دی.



ایلگیلی‌لی خبرلر