اینگیلتره "قیزیل ویزا"نی دوندورور
اینگیلتره آوروپا بیرلیگی اؤلکهلرینین یاتیریمجی چکمک اوچون زنگین ایش آداملارینا یاشاییش ایجازهسی و وطنداشلیق حاقی وئرن "قیزیل ویزا" تطبیقینی دوندورماغا حاضیرلاشیر.
اینگیلتره آوروپا بیرلیگی اؤلکهلرینین یاتیریمجی چکمک اوچون زنگین ایش آداملارینا یاشاییش ایجازهسی و وطنداشلیق حاقی وئرن "قیزیل ویزا" تطبیقینی دوندورماغا حاضیرلاشیر.
لندن حکومتی "قیزیل ویزا"نین سوی-ایستیفاده و چیرکلی پوللارین یویولماسی مقصدیله ایستیفاده ائدیلدیگی اوچون موقتی اولاراق دایاندیریلاجاغینی، 2019-جو ایلدن اعتباراً یئنی دوزنلهمهلردن سونرا یئنیدن قوهیه مینجگینی آچیقلادی.
کوچمنلیک ناظیری کارولین نوکس قایدالارا اویغون گلمهین و سیستمدن غرضلی مقصدلرله ایستیفاده ائدنلره گذشته گئتمهیهجکلرینی و "قیزیل ویزا" تطبیقینین 7 دسامبر 2018-جی ایل تاریخیندن اعتباراً دوندوراجاقلارینی بیلدیردی.
نوکس یالنیز حقیقی یاتیریمجیلارین کوچمنلیک حقوقوندان فایدالانا بیلهجکلرینی قئید ائدهرک: "محض بو بو سببدن یئنی دوزنلهمهلره احتیاج اولدوغونو معین ائتدیک. یالنیز بؤیوک بریتانیا ایقتیصادیاتینا تحفه وئرمک نیتینده اولانلارا قاپیمیز آچیقدیر" دئیه دانیشدی.
"قیزیل ویزا" آدلانان تاباکا 1 "تیئر 1" ویزاسی داها اوللر بؤیوک بریتانیایا ایکی میلیون پوند سرمایه قویان ایش آداملارینا وئریلیردی.
ویزا سایهسینده یاتیریمجیلار 5 ایل عرضینده اؤلکهده یاشاماق حاقی و "شنگن" بولگه سینده سربست سیاحت حقوقو الده ائدیردی.
2017 -جی ایلده (خصوصیله، روسیالی و چینلی ایش آداملاری) تخمینن میندن چوخ مراجعت اولوب.
ژوئیه آییندا مراجعتلرده 46% آرتیم موشاهیده ائدیلیب، یعنی 400-دن چوخ اینسان بو تطبیقدن فایدالانماق ایستهییب.
لندن حکومتی یئنی دوزنله مه لرله یاناشی، خاریجی زنگین ایش آداملارینین بانک حسابلارینا احاتهلی حساب نظارت شرطی قویور. عینی زاماندا، ویزا هر ایکی ایلده بیر یئنیلنمهلیدیر.
بونونلا بیرلیکده، ایش آداملارینین یاتیریم فوندو آلما صلاحیتی لغو اولونور، آکتیو حساب فعاللیغی اولان و تیجارتله مشغول اولان بؤیوک بریتانیا فیرمالاری ایله یاتیریم شرطی گتیریلیر.
2018 -جی ایلین اوللرینده "چلسی" فوتبول کلوبونون صاحیبی، روسیا پرزیدنتی ولادیمیر پوتینه یاخینلیغی ایله تانینان ایش آدامی رومن آبراموویج "قیزیل ویزا" مراجعتینی لغو ائتمیشدی.
سپتامبر آییندا سالیسبوری-ده تؤرهدیلن هوجومدان سونرا اینگیلتره-ده یاشایان 700 روسیا وطنداشینین یاشاییش ایجازهلری آراشدیریلماغا باشلامیشدی.
آوروپا بیرلیگی اؤلکهلری 2008-جی ایلده باش وئرن ایقتیصادی بحراندان سونرا سون 10 ایل عرضینده "قیزیل ویزا" تطبیقی ایله 100 مین نفره یاشاییش ایجازیسی وئریب، 6 مین نفر ایسه بیرباشا آوروپا بیرلیگی وطنداشی اولوب.