آرنولد: بیزیم چاتلاق بیر پرزیدنتیمیز وار

"آمریکا، واشینگتون‌داکی بیر لیدئردن داها بؤیوکدور"

1099823
آرنولد: بیزیم چاتلاق بیر پرزیدنتیمیز وار

آمریکادا، اسکی سیاست‌چی، سینما اویونچوسو و آکتیویست آرنولد شوارتزنگر، باشقان دونالد ترامپی قصد ائدرک،

"بیزیم چاتلاق بیر پرزیدنتیمیز وار" دئدی.

لهستانین کاتوویچ شهرین‌ده گئچیریلن ۲۴.جو ایقلیم کنفرانسین‌دا دانیشان اتریش پرزیدنتی آلکساندر فن در بلن، اونا آیریلان مدتین بیر قیسمینی شوارتزنگر ایله پایلاشدی.

آمریکا وطنداشی اولان شوارتزنگر، آمریکا پرزیدنتی ترامپین، پاریس ایقلیم آنلاشما‌سین‌دان چکیلمه قرارینا تپکی گؤستره‌رک،

"بیزیم دلی بیر پرزیدنتیمیز وار و  (پاریس ایقلیم آنلاشما‌سینین) دیشیندا قالیر. آنجاق آمریکا، واشینگتون‌داکی بیر لیدئردن داها بؤیوکدور" دئیه دانیشدی.

آمریکادا بیر چوخ دؤولت قورومونون پاریس ایقلیم آنلاشماسینین طلبلرینی یئرینه یئتیرمه‌یه چالیشدیغینا دقت چکن شوارتزنگر، ترامپ آنلاشما‌نی قبول ائتمه‌سه ده، آمریکانین آنلاشما‌نین ایچین‌ده اولدوغونو ساووندو.

شوارتزنگر،

"بیزیم واشینگتون‌دا چوخ گئری قالمیش بیر حکومتیمیز وار"دئیه‌رک پاریس ایقلیم آنلاشما‌سین‌دا قرارلاشدیریلان خصوصلارین حیاتا گئچیریلمه‌سینین دونیانین گله‌جگی اوچون اؤنمینی وورغولادی.

فرانسانین پاریس شهرین‌ده تخمیناً ۱۹۰ اؤلکه‌نین ایمضالادیغی ایقلیم آنلاشماسینی، اؤلکه‌سی اوچون "آشیری عدالت‌سیز" اولاراق دیرلندیرن آمریکا پرزیدنتی ترامپ، ۲۰۱۷ده آنلاشما‌دن چکیلمه قراری آلمیشدی.



ایلگیلی‌لی خبرلر