ترامپ: ایقلیم دییشیک‌لیگی‌ راپورونو ایناندیریجی گؤرمه'دیم

آمریکادا کونگره'یه باغلی اولا‌راق چالیشان آمریکا قلوبال دییشیک‌لیک تدقیقات پروقرامی طرفین‌دن ایقلیم علمی قیمتلندیرمه راپورو جمعه گونو یایینلانینب

1096059
ترامپ: ایقلیم دییشیک‌لیگی‌ راپورونو ایناندیریجی گؤرمه'دیم

آمریکا‌نین پرزیدنتی دونالد ترامپ، اؤز حکومتی طرفین‌دن حاضیرلانان ایقلیم دییشیک‌لیگی‌نین اؤلکه ایقتیصادینا جیدی ضررلری اولاجاغینا دایر راپورو ایناندیریجی گؤرمه'دی.

ترامپ، بیر بؤلمونو اوخودوغونو سؤیلدیگی معروضه‌یه "اینانمیرام" دئدی.

آمریکادا کونگره'یه باغلی اولا‌راق چالیشان آمریکا قلوبال دییشیک‌لیک تدقیقات پروقرامی طرفین‌دن ایقلیم علمی قیمتلندیرمه راپورو جمعه گونو یایینلانینب.

راپوردا ایقلیم دییشیک‌لیگی‌نین اؤلکه‌ده یاراتدیغی زیانین جمعیتین هر طبقه‌سی طرفین‌دن حیس ائدیله'جگینه دقت چکیلیر.

ایقلیم دییشیک‌لیگی‌نین جمعیتین حیات سویه'سیله ریفاه سویه‌سینی منفی تأثیر گؤسترجیین‌دن آلتی جیزیلان راپورا آمریکا پرزیدنتی ترامپ ایسه "اینانمیر".

آغ ائوده ژورنالیست‌لرین سوال‌لارینی جوابلان‌دیران ترامپ، سؤز قونوسو راپورون "بیر بؤلومونو اوخودوغونو" دئییب.

راپوردا قلوبال ایستیلشمه‌نین اؤلکه ایقتیصادینا جیدی زیان‌لار وئره'جگی کشفی‌نین اولدوغونون خاطیرلادیلماسی اوزرینه ترامپ،

"یوخ، یوخ، بونا اینانمیرام. چین، ژاپون و بوتون آسیا و دیگر اؤلکه‌لرین ده اولما‌لی‌دیر، اما بیلیرسینیز کی، بو راپور بیزیم اؤلکه‌میزله باغلی. حاضیردا ایندییه قدرکی ان تمیز حال و بو منیم اوچون چوخ اهمیت‌لی. اما بیز تمیز و دونیا‌داکی دیگر هر یئر چیرک‌لی‌دیر، بو قدر ده یاخشی دئییل. بونا گؤره ده من تمیز هاوا ایستییرم، تمیز سو ایستییرم، چوخ اهمیت‌لی." دئیه دانیشدی.

آمریکا انرژی اوره تیمی'نین ان آز یوزده 80ینینی یوز ایلدن آرتیق مدت‌دیر کی، نفت، گاز و کؤمور کیمی قالیق یانا‌جاق‌لار یارا‌دیر.

اؤلکه‌ده اولارمی انرژییه دوغرو بیر یؤنوم اولسا دا ترامپ رهبرلیگی فوصیل یانا‌جاق‌لاردان یانا بیر سیاست گودور.

علم اینسان‌لاری‌نین عکسینه، دونالد ترامپ، آرتان ایستیلیکلردن اینسان‌لارین مسئولیت‌لی اولدوغونا اینانمیر.

ترامپ، اؤتن ایل آمریکانین پاریس ایقلیم دییشیک‌لیگی آنلاشماسین‌دان اؤلکه‌سینی چکمه قراری آلمیشدی.

آمریکا‌لی موسسیسه‌لرین علیهینه اولمایان یئنی بیر آنلاشما کئچیریلمه‌سینی ایسته‌ین ترامپ، "عدالت‌لی" بیر آنلاشما‌دان طرفدار اولدوغونو قئید ائتمیشدی.

آمریکا پرزیدنتی دونالد ترامپ، 2016-جی ایلده پرزیدنت سئچیم کامپانیاسینی آپارارکن ده ایقلیم دییشیک‌لیگی‌نین "یالان" اولدوغونو ادعا ائتمیشدی.



ایلگیلی‌لی خبرلر