استولتنبرگ: "ناتو موداخیلهیه دئییل، یاردیما حاضیردیر"
ناتو باش کاتیبی ینس استولتنبرگ لیبی-ده کی سیاسی غیری -ثابتلیکله باغلی ناتو-نون موداخیلهیه دئییل، یاردیما حاضیر اولدوغونو سؤیلهدی.
ناتو باش کاتیبی ینس استولتنبرگ لیبی-ده کی سیاسی غیری -ثابتلیکله باغلی ناتو-نون موداخیلهیه دئییل، یاردیما حاضیر اولدوغونو سؤیلهدی.
ناتو باش کاتیبی ینس استولتنبرگ ایتالیانین پایتاختی روما-دا کئچیریلن MED – آغ دنیزی دیالوق فوروموندا ایشتیراک ائتدی.
فورومدا چیخیش ائدن استولتنبرگ: "عراق و افغانیستان-داکی تجروبهلریمیزدن آلدیغیمیز درس اولجهدن تدبیر آلماق موداخیله ائتمکدن داها یاخشی اولدوغونو گؤستردی. ناتو-نون اؤز قوهلری ایله موداخیله ائتمهسیندنسه، اؤلکهلرین اؤز ثابتلیکلرینی تامین ائدهجک یئرلی قوهلره تعلیم کئچمهسی داها مقصده اویغوندور" دئدی.
"ترور تشکیلاتی داعشه قارشی موباریزهده ایلک سیرالاردا اولان اردوسونون قرارلیلیغی و جسارتینه گؤره عراق-ا تشککور ائدیرم" دئین باش کاتیب عراق-ین ترور تشکیلاتی داعشه قارشی موباریزهسینین هر کس اوچون اهمیتلی اولدوغونو بیلدیردی.
استولتنبرگ داعش ایله علاقهدار بونلاری سؤیلهدی: "ترور تشکیلاتی داعش مغلوب ائدیلمهسیدی و بیر دؤولت قورماغا نایل اولسایدی، خالق اوزرینده اوزون مودتلی تأثیری اولاجاقدی و عینی زاماندا، هامیمیزا دا گوجلو بیر شکیلده تأثیر ائدهجکدی. چونکی اؤلکهلریمیزه هوجوم ائتمک اوچون لازیم اولان فینانسمانی تامین ائتمک و اورگانیزه اولماق اوچون بیر پایگاها صاحیب اولاجاقدی".
ناتو-نون عراق-داکی یئرلی قوهلرین تعلیم میسیونونا داوام ائدجگینی ایفاده ائدن باش کاتیب ترور تشکیلاتی داعش-ین گئری قاییتما احتیمالینین قارشیسینی آلماق و تهلوکهسیزلیک قوهلرینین گوجونو آرتیرماق اوچون عراق-دا قالاجاقلارینی قئید ائتدی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب