فرانسا جمال خاشقچی جینایتی ایله باغلی بیانات وئریب

بیاناتدا فرانسانین سعودی ژورنالیست جمال خاشقچی جینایتی ایله علاقه‌سی اولان 18 نفره اؤلکه‌یه گیریش قاداغاسی قویولدوغو و قاداغانین شنگن بؤلگه‌سینی ده احاته ائتدیگی بیلدیریلیر.

بو تحریم لرین شوروشدورما گئدیشینه گؤره نظردن کئچیریله، و یا گئنیشلن‌دیریله بیله‌جگی وورغولانان بیاناتدا فرانسانین جمال خاشقچی جینایتینه دایر بوتون حقیقت‌لرین اورتایا چیخماسینی ایسته‌دیگی و سعودیه عربیستانین‌دان بو مسئله ایله باغلی شفاف و اطراف‌لی جاواب گؤزله‌دیگی قئید ائدیلیر.

خاریجی ایشلر ناظیرلیگی‌نین بیاناتیندا اینسان حاق‌لاری‌نین جدی شکیلده پوزولماسی حال‌لاریندا فرانسانین آوروپا‌لی طرفداش‌لاری ایله بیرگه بیرلیگی‌نین تطبیق ائدجگی تحریم لری اوزرینده ایشله‌دیگی ده ایفاده اولونور.

فرانسا خاریجی ایشلر ناظیری ژان ایو لودریان بیر گون اول خاشقچی جینایتی ایله باغلی: "بیز ده جینایته دایر آلدیغیمیز معلومات‌لار اساسیندا قیسا مودت عرضینده بیر سیرا تحریم تطبیق ائدجییک" دئمیشدی.

آلمانیا خاریجی ایشلر ناظیرلیگی مطبوعات کاتیبی‌نین معاوینی کریستوفر بورگر ده فدرال مطبوعات مرکزینده بیر نئچه گون اول کئچیریلن مطبوعات کنفرانسیندا سعودیه ژورنالیست جمال خاشقچی‌نین قتلینده رولو اولان 18 نفره اؤلکه‌یه گیریش قاداغاسی قویولدوغونو بیلدیرمیشدی.

خاطیرلاداق کی، سعودیه-لی ژورنالیست جمال خاشقچی اکتبرین 2-ده سعودیه عربیستانی باش کونسوللوغوندا وحشیجه‌سینه قتله یئتیریلیب.