ترزا می: بریکسیت موذاکیره‌لرینده، بوتون پروبلم‌لر حلّ اولونمادی

بلژیک'ین پایتختی بروکسلده آوروپا بیرلیگی کومیسیونونون باشقانی یان کلود یونکرله بریکسیت مرکزلی گؤروشمه'نین آردیندان آچیقلاما‌لاردا یئرلشن می، توپلانتی‌نین ثمره‌لی کئچدیگینی و ایره‌لیلمه قئید ائدیلدیگینی ایفاده ائتدی

1092826
ترزا می: بریکسیت موذاکیره‌لرینده، بوتون پروبلم‌لر حلّ اولونمادی

اینگیلیستان باشباخانی ترزا می، (اینگیلیستان‌ین آوروپا بیرلیگیندن آیریلماسی) بریکسیت موذاکیره‌لرینده، ایره‌لیلمه قئید ائدیلدیگینی آنجاق بوتون پروبلم‌لرین حلّ اولونمادیغینی بیلدیریب.

بلژیک'ین پایتختی بروکسلده آوروپا بیرلیگی کومیسیونونون باشقانی یان کلود یونکرله بریکسیت مرکزلی گؤروشمه'نین آردیندان آچیقلاما‌لاردا یئرلشن می، توپلانتی‌نین ثمره‌لی کئچدیگینی و ایره‌لیلمه قئید ائدیلدیگینی ایفاده ائتدی.

گؤروشمه'نین بریکسیت دانیشیق‌لارینی آپاران قروپ‌لارا "ایستیقامت وئرمک" باخیمین‌دان فایدا‌لی اولدوغونو قئید ائدن ترزا می،

"ایلرلمه'لر اولدو آنجاق بوتون پروبلم‌لری آرا‌دان قالدیرمادی. اومید ائدیرم کی موذاکیره قزوپلاریمیز بو پروبلم‌لری حلّ ائده بیلر." دئیه دانیشدی.

می، شنبه گونو یئنی‌دن بروکسله گئدجگینی و یونکرله بیر گؤروشمه داها رئاللاشدیراجاغینی دیله گتیره‌رک،

"بو پروسه هر کسین خئیرینه اولا‌جاق شکیلده نئجه باشا چاتدیراجاغیق دانیشاجاغیق." ایفاده‌لرینی ایستیفاده ائتدی.

آوروپا بیرلیگی ایله اینگیلیستان آراسیندا اؤتن هفته 585 صحیفه‌لیک لاییحه آیری‌لیق بلگه'سینده راضی‌لیق الده اولونموشدو.

بروکسل، بازار گونو آوروپا بیرلیگی لیدرلری‌نین قاتیلاجاغی خصوصی بیر بریکسیت ایجلاسنا ائو صاحب‌لیگی ائتمه‌یه حاضیرلاشیر.

لیدرلرین لاییحه آیری‌لیق سندینه ایمضا آتماسی و اینگیلیستان ایله آوروپا بیرلیگی آراسیندا گله‌جکده قورولاجاق موناسیبتی معین ائده‌جک "سیاسی بیاننامه" ده قبول ائدجگی گؤزلنیلیر.



ایلگیلی‌لی خبرلر