اینترپل باشقانی سئچیلدی

چین‌لی منگ هونگوی‌ین اؤلکه‌سین‌ده حبس اولونماسینین آردین‌دان بوشالان اولوسلارآراسی پلیس تشکیلاتی (اینترپل) باشقانلیغینا گونئی کره‌لی کیم جونگ یانگ سئچیلدی.

اینترپل باش قورولونون دوبی‌ده‌کی توپلانتی‌سین‌دا ائدیلن سئچیم‌ده، سسلرین ۳ده ۲سینی قازانان کیم، تشکیلاتین یئنی باشقانی اولدو.

کیم، حاضردا اینترپل باشقان یاردیمچیسی وظیفه‌سینی ایجرا ائد‌ن روسیا ایچ ایشلری باخانینین یاردیمچیسی آلکساندر پروکوپچوکا قارشی نامیزد اولموشدو.

آمریکا، اینگیلتره و آوروپا اؤلکه‌لری، موسکوا رهبرلیینین تشکیلاتین "قیرمیزی اعلان" کارتینی خاریج‌ده‌کی سیاسی مخالیفلری سوسدورماق اوچون سوء استعمال ائده‌بیله‌جگی سببی ایله پروکوپچوکون سئچیلمه‌سینه قارشی چیخیردی.