آوروپا INF موقاویله سینین لغوینه گوره ناراحات دیر

آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عذره عالی نوماینده‌سی فدریکا موگرینی امریکانین روسیا ایله ایمضا‌لانان اورتا منزیل‌لی نوکلئر قوه‌لری موقاویله‌سینی (INF) بیرطرف‌لی شکیلده لغو ائتمه قرارینا گؤره سون درجه ناراحات اولدوغونو بیلدیریدی.

آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عذره عالی نوماینده‌سی فدریکا موگرینی بلژیک-ین پایتاختی بروکسل-ده کی آوروپا بیرلیگی مودافعه ناظیرلری توپلانتی‌سیندان اول مطبوعات نوماینده‌لرینه آچیقلاما وئردی.

موگرینی آچیقلامادا: "بیز هر زامان موقاویله‌لرین اهمیت‌لی اولدوغونا و اونلارا تام شکیلده عمل ائدلیمه‌نین واجیب‌لیگینه ایناندیق. اگر موقاویله‌نین حیاتا کئچیریلمه‌سینده پروبلئم‌لر وارسا، لغو ائتمک دئییل، حیاتا کئچیریلن زامان اورتایا چیخان قوسورلارین آرا‌دان قالدیریلیلما‌لی‌دیر. بیز هله ده اورتا منزیل‌لی نوکلئر قوه‌لری موقاویله‌سی‌نین (INF) داها گوج‌لو شکیلده تطبیق اولوناجاغینا اینانیریق" دئدی.

موقاویله لغو ائدیلسه، آوروپانین تهلوکه‌سیزلیگی اوچون ریسک یاراناجاغینی دیله گتیرن موگرینی: "آوروپانین کئچمیشده اولدوغو کیمی خاریجی قوه‌لرین دؤیوش میدانی اولماسینی ایستمیریک. بو سببله INF موقاویله‌سی قورونما‌لی و تطبیق اولونما‌لی‌دیر" دئیه دانیشدی.

قئید ائدک کی، امریکا پرزیدنتی دونالد ترامپ کئچن آی سویوق ساواش دؤورونده سووئت بیرلیگی ایله ایمضا‌لانان و نوکلئر محاربه‌سی تهلوکه‌سینی آزالتماغا دوغرو آتیلمیش مهم آددیم‌لاردان بیری کیمی تانینان INF موقاویله‌سینی بیرطرف‌لی شکیلده لغو ائدجگینی آچیقلامیشدی.

روسیا ایسه بو قراری چوخ تهلوکه‌لی بیر آددیم کیمی دیرلندیرمیشدی.