یمن اوچون قطنامه لاییحه‌سی امنیت شوراسینا تقدیم اولونوب

یمن'ده لیمان شهری حدیده'د آتشکس و اینسانی چیخیشین قارشی‌سین‌داکی بوتون انگللری ایکی هفته عرضینده قالدیریلماسینی طلب ائدن قطنامه لاییحه‌سی بیرلشمیش میللت‌لر (بمت) امنیت شوراسینا تقدیم اولونوب.

بمت امنیت شوراسی‌نین دایمی عضو‌لرین‌دن اینگیلتره، حاضیرلادیغی یمن لاییحه‌سینی شورا‌داکی دیگر عضو اؤلکه‌لرله بؤلوشدو.

قرار لاییحه‌سینده، ساواشین مرکزی حالینا گلن و اینسانی یاردیم‌لارین داخیل اولدوغو ان اؤنملی نقطه‌لردن لیمان شهری حدیده'ده آتشکس چاغیریشی کئچیریلیر.

وطنداش‌لارین و سیویل آلت یاپیلارین هدف آلینماسی‌نین، همچینین حوثیلرین سعودی عربیستانینا یؤنه‌لیک بالیستیک موشک سالدیریلاری‌نین پیسلندیگی لاییحه‌ده، اها‌لی‌نین چوخ اولدوغو یئرلرده موناقیشه‌لره و بؤلگه‌دکی اؤلکه‌لره موشک سالدیریلارینا سون قویولماسی طلب ائدیلیر.

قرار لاییحه‌سینده، ساواشین طرف‌لرین‌دن بوروکراسی ده داخیل اینسانی و تیجاری مال‌لارین اؤلکه‌یه گیریشی‌نین قارشی‌سین‌داکی بوتون مانع‌لری ایکی هفته عرضینده گؤتورمه‌لری طلب اولونور.

یمن حکومتینه بین الخالق جمعیتین و بؤلگه اؤلکه‌لری‌نین ده کمکی ایله داغیلماقدا اولان پول بیریمی و ایقتیصادی دستکلمک اوچون اؤلکه‌یه خاریجی پول گیرمه'سی‌نین تامین ائتمه‌سی چاغیریشی دا کئچیریلن لاییحه‌ده، معلم، ساغلیق ایشچی‌سی کیمی بوتون مامورلارین معاش‌لاری‌نین دا سرعت‌لی بیر شکیلده اؤدنیلمه‌سی طلب ائدیلیر.

قرار لاییحه‌سی قبول ائدیلدیگی آندان اعتباراً ایجرایه گیره'جک.

بمت-یه گؤره دونیانین ان پیس اینسانی بحرانی‌نین یاشاندیغی، قیتلیغین آستانان‌داکی تخمینن 28 میلیون اها‌لی‌لی یمن'ده 22 میلیون‌دان چوخ اینسان اینسانی یاردیما و قوروماغا احتیاج دویور، 18 میلیون اینسان ایسه آجلیق تهدیدی آلتیندا یئرلشیر.

یمن'ده حوثیلر ایله سعودی عربیستانی رهبرلیگی آلتین‌داکی کوالیسیون گوجلری طرفین‌دن دستک‌لنن حکومت گوجلری آراسیندا 3 ایلدن آرتیق مدت‌دیر باش وئرن توققوشما‌لاردا مین‌لرله اینسان اؤلدو.