امریکا جمال خاشقجی جینایتینه گؤره 17 نفره تحریم ائدیب
امریکا رهبرلیگی سعودیه‌لی ژورنالیست جمال خاشقجی‌نین اؤلدورولمه‌سیله علاقه‌ده اولدوق‌لارینا گؤره 17 سعودیه وطنداشینا تحریم تطبیق ائتمه قراری آلیب.
امریکا رهبرلیگی سعودیه‌لی ژورنالیست جمال خاشقجی‌نین اؤلدورولمه‌سیله علاقه‌ده اولدوق‌لارینا گؤره 17 سعودیه وطنداشینا تحریم تطبیق ائتمه قراری آلیب.
امریکانین خزینه ناظیرلیگی‌نین آچیقلاماسیندا خاشقجی جینایتینده رول اوینادیغینا گؤره قلوبال ماگنیتسکی اینسان حاق‌لاری مسئولیتی قانونو چرچیوه‌سینده تحریم سیاهی‌سینا سالینان‌لاری اعلان ائدیلیب.
بونا گؤره "ماگنیتسکی آکتی" دئییلن قانون چرچیوه‌سینده تطبیق اولونان تحریم لر سیاهی‌سیندا سعودیه عربیستانی‌نین ایستانبول‌داکی کئچمیش باش کونسولو، ولیهد شاهزاده‌نین سابیق موشاویری و اونون کؤمکچی‌سی‌نین ده آدلاری وار.
امریکانین تحریم قراری چرچیوه‌سینده بو شخص‌لرین اؤلکه‌دکی مومکون اولان مال وارلیق لاری دوندورولوب، امریکالی لار ایله تیجارت علاقه‌سی قورما‌لاری دا قاداغان اولونوب.
تحریم قراری‌نین خاشقجی جینایتین‌دن 45 گون سونرا آچیقلانماسی دقت چکیب.
