اینگیلتره‌ده ایش و امکلیلیک ناظیری ده ایستعفا وئردی

اینگیلتره‌ده باش ناظیر ترزا می رهبرلیک ائتدیگی ناظیرلر کابینه'سی‌نین بریکسیت (اینگیلتره‌نین آوروپا بیرلیگین‌دن چیخیشی) آنلاشماسینا راضی‌لیق وئرمه'سی ایستعفا‌لار گتیریر

1088644
اینگیلتره‌ده ایش و امکلیلیک ناظیری ده ایستعفا وئردی

ایش و امکلیلیک ناظیری ده ایستعفا وئردی

اینگیلتره‌ده باش ناظیر ترزا می رهبرلیک ائتدیگی ناظیرلر کابینه'سی‌نین بریکسیت (اینگیلتره‌نین آوروپا بیرلیگین‌دن چیخیشی) آنلاشماسینا راضی‌لیق وئرمه'سی ایستعفا‌لار گتیریر.

بؤیوک بریتانیا قوزئی ایرلند ناظیری شلیش ورا و بریکسیت ناظیری دومینیک راب، آنلاشمایا اعتراض ائتمک اوچون ایستعفا وئردی.

قوزئی ایرلند ناظیری ورا، متنین (آنلاشما) سئچمنلرین طلب‌لرینی اؤدمک‌دن اوزاق اولدوغونو بیل‌دیره‌رک ایستعفا وئردیگینی آچیقلاییب.

وارا ایستعفا عریضه‌سینده، آنلاشما ایله بیرلیکده اینگیلتره‌نین اهمیت‌لی تعویضلر وئردیگی فیکرینی دیله گتیردی.

ورادان سونرا اینگیلتره‌نین بریکسیت ناظیری راب دا،آنلاشما لاییحه‌سی‌نین شرطلرینی یئرینه گتیره'میه'جگینی اساس گؤستره‌رک ایستعفا وئردی.

بریتانیانین آوروپا بیرلیگیندن آیریلماسی پروسه'سینی ایداره ائدن شخصیت اولان دومینیک راب، سوسیال شبکه، شخصی توئیتر حسابین‌دان ائتدیگی آچیقلامادا، آنلاشمانین اؤلکه بوتؤو‌لوگونو تهدید ائتدیگی سببیله ایستعفا ائتدیگینی بیلدیریب.

راب، عینی پایلاشیمدا، " آوروپا بیرلیگی ایله آنلاشما‌میز اوچون تکلیف اولونان شرط‌لری دستکلمیرم" ایفاده‌سینه یئر وئریب.

ایکی ایستعفانین آردیندان ایش و امکلیلیک ناظیری مکوی ده ایستعفا وئردیگینی آچیقلاییب.

اینگیلیس کابینه'سینده گون عرضینده باشقا ایستعفا‌لارین باش وئرمه‌سی گؤزلنیلیر.

اینگیلتره باش ناظیری ترزا می، 5 ساعت‌دان آرتیق داوام ائدن حکومت توپلانتی‌سی‌نین آردین‌دان وئردیگی آچیقلامادا، اؤلکه‌سی‌نین آوروپا بیرلیگی ایله گلدیگی بریکسیت سازیش لاییحه‌سینی تصدیق ائتدیگینی بیلدیرمیشدی.

اینگیلتره ایله آوروپا بیرلیگی آراسیندا 18 آی داوام ائدن دانیشیق‌لارین آردین‌دان حاضیرلانان لاییحه متنی، طرف‌لر آراسین‌داکی موناسیبته دایر یئنی آنلاشما ائدیله'نه قدر آوروپا بیرلیگی و بیرلشمیش کرال‌لیق آراسیندا موقتی اولا‌راق تک بیر گؤمروک بؤلگه'سی قورولماسینی نظرده توتور.

لاییحه متنینده، آوروپا بیرلیگی ایچری‌سین‌دکی بیرلشمیش کرال‌لیق، بیرلشمیش کرال‌لیق ایچری‌سین‌دکی آوروپا بیرلگی وطنداش‌لاری‌نین حقوق‌لاری‌نین قوروناجاغی قئید اولونور.

بیرلشمیش کرال‌لیقدا 2016-جی ایلین ژوئن آییندا کئچیریلن رفراندومدا خالقین یوزده 52سی آوروپا بیرلیگیندن آیریلماق قرارینا دستک وئردی. 46 میلیون‌دان چوخ سئچیجی‌نین سس وئردیگی رفراندومدا قاتیلیم یوزده 72 سویه‌سینده باش وئرمیشدی.



ایلگیلی‌لی خبرلر