امریکانین تحریم لری باشلادی

امریکا ایرانا تطبیق ائتدیگی تحریم لرینین ایکینجی حیسه‌سینی بوگون تورکیه واختی ایله ساعات 08.00-دن توتموش تطبیق ائتمه‌یه باشلادی.

تحریم، انرژی، مالیه و گمی نقلیاتینی احاته ائدیر.

امریکا مالیه ناظیرلیگی‌نین معلوماتینا گؤره، بوگون قوه‌یه مینن تحریم لر 6 ماده‌دن عبارت‌دیر.

ماده‌لرین باشیندا ایرانین لیمان اوپراتورلاری، یوک و گمی قاییرما سئکتورو دایانیر. تحریم لر ایرانین گمیچی‌لیک خط‌لری، گونئی گمیچی‌لیک خطی و علاقه‌دار تشکیلات‌لار کیمی شیرکت‌لری احاته ائدیر.

امریکا تحریم لرینین ایکینجی ماده‌سی نفت ایله باغلی عملیات‌لاردیر. ایران میللی نفت شیرکتی (NIOC) و میللی تانکر شیرکتی (NITC) داخیل اولماقلا، تحریم لر ایران‌دان نفت، نفت محصول‌لاری و یا نفت-کیمیا محصول‌لاری‌نین آلینماسینا اولوسلار آراسی محدودیت قویور.

دیگر طرف‌دن امریکانین خزینه ناظیری استیون منوچین وئردیگی آچیقلامادا بوگون قوه‌یه مینن تحریم لر چرچیوه‌سینده ایران‌لی داها 700-دن آرتیق شخص و قورومون سیاهییا علاوه اولوناجاغینی بیلدیریب.

قئید ائدکی کی، امریکانین خاریجی ایشلر مایک پمپئو جومه گونو وئردیگی بیاناتدا ایران‌دان نفت وارداتینی مهم سویه‌ده دوشورن آنجاق صیفیر سویه‌سینه ائندیرمه‌ین 8 اؤلکه‌یه نفت ورداتی اوچون موقتی ایمتیاز تانیناجاغینی، بو اؤلکه‌لرین نویابرین 5-ی اعلان ائدیله جگینی بیلدیرمیشدی.

پمپئو تحریم لر ایله علاقه‌لی اولا‌راق آوروپا بیرلیگینه هر هانسی ایمتیازین اولمایاجاغینی قئید ائدیب.