آمریکانین جمال قاشیقچی حاقّیندا موضعسینی آچیقلاماسی گؤزلنیلیر

سندرز، تشکیل ائتدیگی مطبوعات کونفرانسیندا، سعودی عربیستانی‌نین ایستانبول باش کونسوللوغوندا سعودی ژورنالیست جمال قاشیقچی-نین اؤلدورولمه‌سی ایله باغلی آچیقلاما‌لار وئریب

1077899
آمریکانین جمال قاشیقچی حاقّیندا موضعسینی آچیقلاماسی گؤزلنیلیر

آمریکانین، سعودی ژورنالیست جمال قاشیقچی-نین، اؤلکه‌سی‌نین، 2 اوکتوبردا گئتدیگی ایستانبول باش کونسوللوغوندا اؤلدورولمه‌سینه دایر موضعسینی آچیقلاماسی گؤزلنیلیر.

آغ ائو سؤزچوسو سارا سندرس، آمریکا مرکزی کشفیات تشکیلاتی باشقانی جینا هاسپلین، اؤلدورولن قزئته'جی جمال قاشیقچی-لا باغلی اؤتن هفته تورکیه‌ده آپاردیغی دانیشیق‌لار حاقّیندا باشقان دونالد ترامپی معلومات وئردیگینی خاطیرلادا‌راق،

"نئجه بیر یول گئدجگیمیزه دایر قراریمیزی آچیقلایاجاغیق". دئدی.

آغ ائو سؤزچوسو سندرز، تشکیل ائتدیگی مطبوعات کونفرانسیندا، سعودی عربیستانی‌نین ایستانبول باش کونسوللوغوندا سعودی ژورنالیست جمال قاشیقچی-نین اؤلدورولمه‌سی ایله باغلی آچیقلاما‌لار وئریب.

سندرس،

"صدر، اؤلکه خاریجینده کشفیات توپلاماق مقصدی ایله آپاردیغی دانیشیق‌لار سونرا سیا باشقانی جینا هاسپل'له اؤتن هفته گؤروشوب و حاضیردا حکومت موختلیف واریانت‌لاری قیمتلندیریر. نئجه بیر یول گئدجگیمیزه دایر قراریمیزی آچیقلایاجاغیق". شکلینده دانیشدی.

سؤزچو سندرس، سیا باشقانی هاسپل'ین تورکیه‌ده حیاتا کئچیردیگی دانیشیق‌لار زامانی "قاشیقچی-نین اؤلدورولمه‌سینه دایر سس قئیدلرینی قولاق آسیب قولاق آسمادیغی" حاقیندا آچیقلاما وئرمک‌دن چکیندی.



ایلگیلی‌لی خبرلر