اینگیلتره، آلمانیا و فرانسا خاشقجی نین قتلی ایله باغلی اورتاق بیانات یایدی‌لار
اینگیلتره خاریجی ایشلر ناظیری جرمی هونت، آلمانیا خاریجی ایشلر ناظیری هایکو ماس و فرانسا خاریجی ایشلر ناظیری ژان ایو لو دریان سعودیه-لی ژورنالیست جمال خاشقجینین اؤلدورولمه‌سینه دایر بیرگه بیانات یایدی‌لار.
اینگیلتره خاریجی ایشلر ناظیری جرمی هونت، آلمانیا خاریجی ایشلر ناظیری هایکو ماس و فرانسا خاریجی ایشلر ناظیری ژان ایو لو دریان سعودیه-لی ژورنالیست جمال خاشقجینین اؤلدورولمه‌سینه دایر بیرگه بیانات یایدی‌لار.
بیاناتدا خاشقجینین سعودیه عربیستانی‌نین ایستانبول باش کونسوللوغوندا وحشی بیر شکیلده اؤلدورولمه‌سی ایله باغلی دئییلیر: "هئچ بیر شئی بو جینایتی حاقلی گؤستره بیلمز و بیز بونو ان گوجلو شکیلده قیناییریق. اوکتبرین 2-ده اصلینده نه اولدوغونون آیدینلاشدیریلماسینا عاجیل احتیاج وار. سعودیه سوروشدورماسیندا ایندیه ده ک تقدیم اولونان فرضیه‌لرین ایناندیریجی اولماسی اوچون اونلارین فاکت‌لارا اساسلانماسی لازیم‌دیر. حقیقتین گئنیش، شفاف و اینانیلیر بیر شکیلده اورتایا چیخاریلماسی اوچون سعی گؤستریلمه‌سینه یؤنه‌لن احتیاجی و اومیدی وورغولاییریق. نه اولدوغونا دایر داها چوخ آچیقلامانین اعتبارلی‌لیغینا و بئله اوتانج وئریجی بیر حادثه‌نین اصلا تکرار اولونمایاجاغینا دایر اینانجیمیزا اساس‌لانان اولا‌راق نهایی قراریمیزی وئرجییک".
هر اوچ اؤلکه‌نین بو مسئله ایله باغلی سعودیه عربیستانی ایله علاقه ساخلایاجاغی قئید ائدیلن بیرگه بیاناتدا بو اؤلکه ایله موناسیبت‌لرین کاراکتری و اهمیتی‌نین بوتون طرف‌لرین بیرگه تابع اولدوق‌لاری اولوسلار آراسی حقوق نورما‌لارینا و دیرلرینه گؤستریلن حؤرمتله معین اولوناجاغی بیلدیریلیر.
قئید ائدک کی، سعودیه عربیستان رهبرلیگی اوکتبرین 2-ده ایستانبول باش کونسول‌لوغونا گیردیک‌دن سونرا یوخا چیخان خاشقجینین کونسوللوق بیناسیندا باش وئرن موناقیشه نتیجه‌سینده اؤلدوگونو آچیقلاییب.
