امریکا و ناتو-نون روسیایا خبردارلیغی
امریکانین مودافعه ناظیری جیمز ماتیس روسیانین اورتا منزیل‌لی نوکلئر قوه‌لر موقاویله‌سینی (INF) پوزماسی‌نین "دؤزولمز" اولدوغونو و امریکانین بونا جاواب وئرمه‌سی‌نین لازیم اولدوغونو سؤیله‌ییب.
امریکانین مودافعه ناظیری جیمز ماتیس روسیانین اورتا منزیل‌لی نوکلئر قوه‌لر موقاویله‌سینی (INF) پوزماسی‌نین "دؤزولمز" اولدوغونو و امریکانین بونا جاواب وئرمه‌سی‌نین لازیم اولدوغونو سؤیله‌ییب.
ماتیس بلژیک-ین پایتاختی بروکسل شهریندکی ناتو قرارگاهیندا کئچیریلن مودافعه ناظیرلری ییغینجاغی‌نین سونوندا مطبوعاتا آچیقلاما وئریب.
ماتیس،"روسیا اورتا منزیل‌لی نوکلئر قوه‌لر موقاویله‌سینه عمل ائتمه‌لی‌دیر، عکس تقدیرده امریکا بونا جاواب وئرمه‌لی اولا‌جاق. روسیا بو موقاویله‌یه عمل ائتمیر و بونا عمل ائتمه‌سی‌نین واختی گلیب" دئیه بیلدیریب.
قئید ائدک کی، ناتو باش کاتیبی ینس استولتنبرگ ده دونن بونونلا باغلی بیانات وئریب.
باش کاتیب "بیز اورتا منزیل‌لی نوکلئر قوه‌لر موقاویله‌سی‌نین (INF) پوزونتوسونو جدی شکیلده قارشیلاییریق و روسیانی شفاف و اعتبارلی بیر شکیلده موقاویله‌یه عمل ائتمه‌یه چاغیریریق" دئیه‌رک رسمی مسکوایا اؤز رئاکسیا‌لی سؤزلرینی چاتدیریب.
ایلگیلی‌لی خبرلر
آمریکادا سلاحلی سالدیری
نوادا ایالتینده‌کی لاس وگاس اونیوئرسیته‌‌سی یئرلشکه‌سینده سلاحلی سالدیری تشکیل ائدیلدی
