ولادیمیر پوتین: سوریه'نین ایدلیب بؤلگهسینده تورکیه ایله همرایلیک ایچینده چالیشیریق
پوتین، سن پترزبورگ'دا ارمیتاژ موزه'سینده اوتریش باشباخانی سباستیان کورز ایله گؤروشدوکدن سونرا کئچیریلن بیرگه مطبوعات کونفرانسیندا سوریه'دکی وضعیته دایر بیاناتلار وئردی
روسیا پرزیدنتی ولادیمیر پوتین، سوریه'نین ایدلیب بؤلگهسینده آتشکسین قورونماسینا یؤنلیک سوچی آنلاشماسی چرچیوه'سینده، تورکیه ایله همرایلیک ایچینده چالیشدیقلارینی بیلدیردی.
پوتین، سن پترزبورگ'دا ارمیتاژ موزه'سینده اوتریش باشباخانی سباستیان کورز ایله گؤروشدوکدن سونرا کئچیریلن بیرگه مطبوعات کونفرانسیندا سوریه'دکی وضعیته دایر بیاناتلار وئردی.
سوریه'ده بیرلشمیش میللتلر امنیت شوراسینین 2254 سایلی قراری و آستانا پروسه'سینده واریلان آنلاشمالار اساسیندا سیاسی پروسه'نین فعاللاشماسی اوچون اومیدلی اولدوقلارینی قئید ائدن پوتین، بونون سوریه'ده نورمال حیاتا کئچید اوچون لازیم اولان شرطلرین یارانماسینی گوجلندیرجگینی ایفاده ائتدی.
ایدلیب'دکی وضعیتین تورکیه و روسیانین آلدیغی تدبیرلر گؤره نورماللاشماغا باشلادیغینی بیلدیرن پوتین،
بو ایستیقامتده ایشلر دوزگون ایستیقامتده گئدیر. هدفلریمیزه چاتاجاغیمیزا اینانماق اوچون سببلریم وار. اورادا (ایدلیبده) هئچ بیر بؤیوک میقیاسلی بیر سیلاحلی فعالیت اولمایاجاق. چونکی ساواشین آپارماق اوغروندا دؤیوشمک لازیم، معین مقصدلره نایل اولماغیمیز لازیمدیر. بو هدفلره چاتماق اوچون سئچدیگیمیز واسطهلر حاضیردا فال شکیلده چالیشیر." دئیه دانیشدی.
تورکیه جمهور باشقانی رجب طیب اردوغان ایله ایدلیب اسکیکلیک بؤلگهسی بارهده راضیلیغا گلدیکلری 17 سپتامبر تاریخلی سوچی راضیلیغینی خاطیرلادان پوتین، بؤلگه'ده تورک سیلاحلی گوجلری و روس نیظامی پولیسینین کمکی ایله بیرگه کئشیکچیلر ده داخیل اولماق عذره پلانلی فعالیتلره داوام ائدهجکلرینی وورغولاییب.
ایدلیبده سیلاحدان تمیزلنمیش بیر بؤلگه یاراتماق فیکری'نین پرزیدنتی رجب طیب اردوغان ایله کئچیردیگی سون گؤروشمه زامانی بیرباشا اورتایا چیخدیغینی سؤیلهین پوتین، هر ایکی طرفین مسئولیتلرینی یئرینه یئتیردیگینی دیله گتیردی. پوتین، بونلاری قئید ائتدی:
تورک طرفداشلاریمیزلا همرایلیک ایچینده چالیشیریق کی، بو موقاویلهلری سون درجه جدییه آلدیقلارینی، مسئولیتلرینی یئرینه یئتیردیکلرینی، هر بیر حالدا، موختلیف رادیکال قروپلارین خادیملرینین بو بؤلگهدن چیخماسینی و آغیر سیلاحلارین گئری چکیلمهسینی تامین ائتمهیه یاردیمچی اولدوقلارینی گؤروروک. بیز ده اؤزوموزه دوشن ایشلری گؤروروک و پلانلاشدیریلان فعالیتلری بیرلیکده آپارماغا داوام ائدجگیک".
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب