"اورتادوغونو ایران قاریشدیریر"
هیلی، امنیت شوراسیندا دوزنلنن فیلیسطین قونولو اورتادوغو کنفرانسیندا ایرانا قارشی سوچلامالارینی داوام ائتدیردی
آمریکانین بیرلشمیش میللتلر دائمی نمایندهسی نیکی هیلی، ایرانین سون آیلاردا عراقا قارشی سالدیرقانلیغینی آرتیردیغینی ادعا ائتدی.
هیلی، امنیت شوراسیندا دوزنلنن فیلیسطین قونولو اورتادوغو کنفرانسیندا فیلیسطین قونوسوندا دانیشمایی رد ائدرک ایرانا قارشی سوچلامالارینی داوام ائتدیردی.
شورادا ایسراییلین اوزرینه چوخ گئدیلدیگینی ساوونان هیلی، بئله دانیشدی:
"اورتادوغودا چاتیشمایا و استقرارسیزلیغا یول آچان بیر اؤلکه وار و بو ایسرایل دئییل، ایران. ایرانین عراقداکی هدفی؛ بورادا تهراندان آغ دنیزه گلهجک سلاح و عسگرلر اوچون اؤز کنترلوندا بیر مرکز یاراتماق. ایران سون آیلاردا سالدیرقانلیغینی آرتیردی. ایرانین عراقداکی طرفدارلاری آچیق شکیلده تعلیم آلیر، تهراندان گلن سلاحلاردان ایستیفاده ائدیر. ایران رژیمینین بو طرفدارلارا سون گونلرده بالیستیک موشک دستگی ائتدیگی ده گلن خبرلر آراسیندا".
هیلی، ایرانین سون گونلرده عراق کورد بؤلگهسل رهبرلیینه موشک سالدیریسی ائتدیگینی و ۱۱ نفرین حیاتینی ایتیردیگینی دیله گتیرهرک، تهرانین عراق تورپاقلارینا مداخیلهسینین امنیت شوراسینین دقتینده اولماسی لازیم اولدوغونو بیلدیردی.
ایرانین عراقی اؤزوندن آسیلی حالا گتیرمهیه و ضعیفلتمهیه چالیشدیغینی دا ایرلی سورهن هیلی،
"ایران، ضعیفلمیش بیر عراقی قوللاناراق ترور فعالیتلرینی داوام ائتدیرمهیی پلانلاشدیریر" ایفادهسینی ایشلتدی.