آمریکالی شیرکت ایله پ‌کاکا آراسیندا سؤزلشمه
یپگ یپگ‌نین "اوزون مدت‌لی سوزلشمه‌یه دایالی آنلاشما اوچون کسل اینترنشنال ایله محاربه طبی یاردیمی و لجستیک مسئله‌لرین‌ده‌کی اوزمانلیق ساحه‌سین‌ده یاخین ایلیشکی" قورماغی آرزو ائتدیگی بیلدیریلیر
اولوسلارآراسی حربی خیدمتلر بازارین‌دا فعالیت گؤستره‌ن آمریکا شیرکتی کستل اینترنشنالین، بؤلوجو ترور هؤرگوتو پ‌کاکانین سوریه اوزانتیسی یپگ ایله سوزلشمه امضالادیغی اورتایا چیخدی.
سؤزلشمه متنین‌ده، یپگ‌نین "اوزون مدت‌لی سوزلشمه‌یه دایالی آنلاشما اوچون کسل اینترنشنال ایله محاربه طبی یاردیمی و لجستیک مسئله‌لرین‌ده‌کی اوزمانلیق ساحه‌سین‌ده یاخین ایلیشکی" قورماغی آرزو ائتدیگی بیلدیریلیر.
آمریکانین، ترور هؤرگوتو داعش ایله مباریزه ادعاسییلا ایستیفاده ائتدیگی شیرکتین، سوریه‌ده پارامئدیک خیدمت، حربی ساغلیق و ساواشچی تعلیملری وئردیگی بیلینیر.
کسل اینترنشنالین سوریه‌ده یپگ/پ‌کا‌کایا وئردیگی دسته‌گه دایر بیر چوخ سند و فوتو، هم ده شیرکتین اینترنت سایتین‌دا هم ده سوسیال مئدیا حسابلارین‌دا آچیقجا گؤرونور.
شیرکت پرسنلی اولدوغو آنلاشیلان شخصلرین، تئرور هؤرگوتو سیمگه‌لرینی داشییان شخصلرله بیر چوخ فوتوگرافی دا سوسیال مئدیا حسابلارین‌دا یئر آلیر.
"سحر درسی" آچیقلاماسی ایله پایلاشیلان شکیللردن بیرین‌ده، بیر اوتاق‌دا سلاحلارینی یئره قویموش هؤرگوت عضولرینه تعلیم وئریلدیگی گؤرونور.
باشقا بیر فوتوگرافدا ترور هؤرگوتونون سمبوللارینی داشییان پالتارلار گئیینمیش سلاح‌لی قادینلارلا، آمریکالی شیرکت پرسنلی اولدوغو دوشونولن شخصلر پوز وئریر.
