بیرلشمیش میللت‌لردن میصره چاغری

بیرلشمیش میللت‌لر اینسان حاق‌لاری عالی کومیساری میشل باچلت، میصرده، موسلمان قارداش‌لار تشکیلاتی (اخوان) عضو 75 نفره وئریلمیش اعدام جزاسی قراری‌نین پوزولماسینا چاغیریب.

کئچمیش شیلی دولت باشقانی اولان و بمت-دکی وظیفه‌سینه یئنی باشلایان باچلت، یازی‌لی آچیقلاماسیندا، آرا‌لاریندا شهید اسمانین آتاسی موسلمان قارداش‌لار تشکیلاتی رهبرلرین‌دن محمد البلتاجی‌نین ده اولدوغو 75 نفره اعدام قراری وئریلمه‌سین‌دن چوخ بؤیوک ناراحات‌لیق دویدوغونو بیلدیریب.

شنبه گونکو یارغیلامانین و وئریلن جزا‌لارین "عدالت‌سیز" اولدوغونو وورغولایان باچلت، قرارین ایجراسی وضعیتینده "آچیق-آیدین و دؤنمسی اولمایان بیر خطا" ائدیله جگی خبردارلیق ائتدی.

باچلت، میصرده 300و محبوس، 439و فراری 739 نفرین موحاکیمه اولوندوغو داعوانین "گئنیش میقیاس‌لی تنقیدلره" یول آچدیغینی، بونونلا برابر رابعه میدانین‌داکی حادثه‌لره قاریشان امنیت شخص‌لری‌نین، یئنی چیخان قانونلا تأمینات آلتینا آلینماسی‌نین بؤیوک ضدیت اولدوغونو وورغولایا‌راق، "عدالت هامی اوچون برابر اولما‌لی‌دیر. کیمسه توخونولماز دئییل." ایفاده‌لرینی ایستیفاده ائتدی.

یوزلرله شخصین اتهام اولوندوغو کوتلوی داعوادا، اینسان‌لارا قانونی تمثیل حاقی و ساوونمالاریندا دلیل گتیرمه حاقی وئریلمدیگینی خاطیرلا‌دان باچلت، میصر ساوجیلیق اورقانی‌نین دا محکمه‌یه گوناهگارلارین جینایت تؤرتدیگینه دایر کیفایت قدر دلیل سونامادیغی‌نین وورغولاییب.

باچلت، قاهیره جزا محکمه‌سی‌نین وئردیگی 75 نفر حاقین‌داکی اعدام قراری‌نین پوزولماسی لازیم اولدوغونو وورغولایا‌راق، "مصر کاسساسیا محکمه‌سی‌نین بو قراری نظردن کئچیرمه‌سینی اومید ائدیرم". دئدی.

اینسان حقوق‌لاری عالی کومیسارلیغی وظیفه‌سینه سپتامبرین 1-ده باشلایان باچلت، میصر محکمه‌سینی اولوسلار آراسی عدلیه ایستاندارد‌لارینا حؤرمت ائتمه‌یه دعوت ائتدی.

باچلت، 14 آوقوست 2013ده رابعه و النهضه میدان‌لاریندا اخوان نماینده‌لری‌نین باشلاتدیغی اعتراضلاردا، تخمینن 900 "سیلاح‌سیز گؤستریچی‌نین" میصر امنیت گوجلری قتله یئتیریلدیگینی خاطیرلادا‌راق، نیظامی کودتا‌نین بو قتل عام‌لارین سببکاری اولدوغو یولون‌داکی تنقیدلره دقتی چکدی.

میصرده محکمه 75 نفر باره‌سینده اعدام قراری وئرمیش، اوست محکمه یه باش وورما یولونون آچیق اولدوغو بیلدیریلمیشدی.