امریکا ادلیب و شیمیایی هوجوملا باغلی خبردارلیق ائتدی

آغ ائوین مطبوعات کاتیب‌لیگی امریکانین ادلیب‌دکی سون پروسئس‌لرله باغلی موضعینی آچیقلادی.

1043653
امریکا ادلیب و شیمیایی هوجوملا باغلی خبردارلیق ائتدی

امریکا رهبرلیگی سوریه-نین ادلیب شهریندکی پروسئس‌لری یاخین‌دان تعقیب ائتدیک‌لرینی وورغولایا‌راق: "اگر بشار اسد یئنی‌دن شیمیایی سلاح‌دان ایستیفاده ائتمگی سئچرسه، امریکا و متفیق‌لری عاجیل و اویغون شکیلده جاواب وئره‌جک" دئیه بیلدیردی.

آغ ائوین مطبوعات کاتیب‌لیگی امریکانین ادلیب‌دکی سون پروسئس‌لرله باغلی موضعینی آچیقلادی.

آچیقلامادا دئییلیر:"امریکا روسیا و ایرانین دستکله‌دیگی اسد رژیمی‌نین هوجومونون تهلوکه‌سی آلتیندا اولان، میلیون‌لارلا گوناه‌سیز اینسانین یاشادیغی سوریه-نین ادلیب بؤلگه‌سیندکی پروسئس‌لری یاخین‌دان تعقیب ائدیر. پرزیدنت دونالد ترامپ بو نوع هوجومون اونسوز دا، فاجعه وی اولان قارشیدورمانی داها دا گرگینلشدیرجگی و یوز مین‌لرله اینسانین حیاتینی ریسکه آتاجاغی ایله باغلی خبردارلیق ائدیب. اگر بشار اسد یئنی‌دن شیمیایی سلاح‌دان ایستیفاده ائتمگی سئچرسه، امریکا و متفیق‌لری عاجیل و اویغون شکیلده جاواب وئره‌جک‌لر. بو مسئله ایله باغلی موضعیمیز دقیق‌دیر. امریکا سوریه-ده کی دوشمن‌لیک‌لره سون قویولماسی اوچون بمت تهلوکه‌سیزلیک شوراسی‌نین 2254 سایلی قرارینا اساس‌لانا‌راق، دیپلوماتیک حل تاپماق مقصدیله متفیق‌لری ایله بیرلیکده فعالیت گؤسترمه‌یه یورولما‌دان داوام ائده‌جک‌دیر".

قئید ائدک کی، امریکا پرزیدنتی دونالد ترامپ دونن تویتر واسیطه‌سیله یایدیغی آچیقلاماسیندا: "بشار اسد رژیمی سوریه-نین ادلیب شهرینه دوشونمه‌دن هوجوم ائتمه‌مه‌لی‌دیر. روس‌لار و ایران‌لی‌لار بو تخمین ائدیلن اینسانی فاجعه‌ده ایشتیراک ائده‌رک، بؤیوک سهوه یول وئررلر. یوز مین‌لرله اینسان اؤله بیلر" دئییب.

امریکا خاریجی ایشلر ناظیرلیگی نین سؤزجوسو هدر ناوئرت ده مطبوعات بریفینقینده امریکانین پروسئسی یاخیندان تعقیب ائتدیگینی و شیمیایی سلاح هوجومونا رئاکسیا گؤستره‌جک‌لرینی ایفاده ائدیب.



ایلگیلی‌لی خبرلر