یونانیستاندا قورتارما پاکتی پروقرامی رسمی اولاراق سونا چاتدی
پروقرامین تاماملانماسی اؤلکه ایقتیصادینی قیسمن ده اولسا الینه آلان آتن رهبرلیگی، اوسلا ر آراسی مالی بازارلارینا یئنیدن بورجلانابیله جک
یونانیستاندا 8 ایلدن چوخ مدتدیر داوام ائدن قورتارما پاکتی پروقرامی رسمی اولاراق سونا چاتدی.
پروقرامین تاماملانماسی اؤلکه ایقتیصادینی قیسمن ده اولسا الینه آلان آتن رهبرلیگی، اوسلا ر آراسی مالی بازارلارینا یئنیدن بورجلانابیله جک.
آوروپا بیرلیگی، آوروپا مرکزی بانکی و اوسلا ر آراسی پول فوندو یونانیستانا عمومیتده 289 میلیارد یورو کرئدیت وئریب.
قورتارما پاکتی قارشیلیغیندا یونان حکومتی بیر سیرا کمر سیخما سیاستلرینی ایجرایه قویدو. یونان ایقتیصادی، سون ایللرده بؤیومه قئید ائتسه ده، بحران اوّله نیسبتن یوزده 25 کیچیلیب.
عینی زاماندا یونانیستانی کرئدیته بوغان چوخ سایدا آوروپا بانکی باتماقدان قورتاریلدی.
بونون اوزینده دولتدن کوتلوی ایشدن چیخارمالار، معاشلاردا بؤیوک کسینتیلر، دولتین اساس دیرکلرینین اؤزللشدیریلمهسی ایله بیرلیکده یونان خالقی یوخسوللوغون پنجهسینه ترک ائدیلیب.
ایقتیصادی قورتارما پروقرامینین باشا چاتماسیندان سونرا یئنی بیر پروقرامین
گوندمه گلیب گلمیه جگی هله آیدین اولمادی.
آنجاق آتن رهبرلیگینین یئنی بیر پروقراما مثبت باخمادیغی، اؤز آیاقلاری اوزرینده دایانماقدان یانا صف توتاجاغی بیلدیریلیر.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب