اس-400 موشک ساوونما سیستم‌لری‌نین تحویلی 2019دا ائدیله‌جک

روسیا‌دان آلینا‌جاق اس-400 موشک ساوونما سیستم‌لری‌نین تحویلی 2019دا ائدیله‌جک.

آچیقلاما روس دولت ساوونما شیرکتی روسوبورون اکسپورت دان گلدی.

روس اینترفاکس آژانسی‌نین خبرینه گؤره، روسیا دولت ساوونما شیرکتی روسوبورون اکسپورت، تورکیه‌یه اس-400لرین 2019ده تسلیم ائدیله جگینی آچیقلاییب.

شیرکتین، خاریج‌دکی تیجارت طرفداش‌لاری میللی پول ایله آلوئر ائتمگی پلانلاشدیردیغی دا قئید اولونوب.

تورکیه‌نین روسیا‌دان، بیری سئچیم‌لی ایکی عدد اس-400 سیستمینی ساتین آلماسی نظرده توتولور.

سیستمین 2019ون ایلک یاریسیندا تسلیم ائدیلمه‌سی‌نین پلانلاشدیردیغی بیلدیریلیر.

آنلاشمانین عمومی دگری 2.5 میلیارد دو‌لار اولا‌راق حساب‌لانیر.

سیستمین تحویلی حالیندا، تورکیه، اس-400 ایستیفاده ائدن ایلک ناتو عضوو اولا‌جاق.

بو سیستم، اینسان‌لی و یا اینسان‌سیز هر جور هاوا واسطه‌سی‌نین یانیندا، هم ناویقاسیون (کرویز) هم ده بالیستیک موشک‌لری یوخ ائتمه قابیلیتینه صاحب. ماکسیموم منزیلی 400 کیلومتره، چاتدیغی ان یوکسک اوجا‌لیق دا 30 کیلومتر.

بون‌دان باشقا، هر هدفه ایکی موشک کیلیدله‌یه‌رک، همزمانلی اولا‌راق 80 هدفی وورا.

ان چوخ 3 مین 500 کیلومتر مسافه‌دن آتیلان اورتا منزیل‌لی بالیستیک موشک‌لری یوخ ائتمه قابیلیتینه صاحب.

سیستمین ایچینده یئر آلان بیر موشکین آغیرلیغی 1.8 تون، اوزون‌لوغو سککیز متر و قطری دا تخمینن 50 سانتیمتر.

همچینین 145 کیلوقراما قدر ساواش باش‌لیغی داشییا بیلیر.