آنگلا مرکل، ولادیمیر پوتینی، مسبرگ ساراییندا قارشیلادی
آلمانیا باش ناظیری آنگلا مرکل، سوریه نین ایدلیب شهرینده مومکون بیر اینسانی فلاکتی اؤنلمه لری لازیم اولدوغونو سؤیلهدی
آلمانیا باش ناظیری آنگلا مرکل، سوریه نین ایدلیب شهرینده مومکون بیر اینسانی فلاکتی اؤنلمه لری لازیم اولدوغونو سؤیلهدی.
آنگلا مرکل، روسیا پرزیدنتی ولادیمیر پوتینی، پایتخت برلین یاخینلارینداکی آلمان حکومتینین قوناق ائوی مسبرگ ساراییندا قارشیلادی.
گؤروشمه عرفهسینده آچیقلاما وئرن مرکل، پوتین ایله سوچیده کئچیردیگی گؤروشمه یه ایشاره ائدهرک، دونیاداکی جیدی موناقیشهلره حل یولو تاپماق اوچون بو دیالوقون داوام ائتمهسی لازیم اولدوغونو بیلدیریب.
آلمانیا باش ناظیری مرکل، سوریهدکی اینسانی بحهرانین بیتمهسی لازیم اولدوغونا دقت چکهرک، موباحیثهلی مسئلهلرین یالنیز دیالوق یولو ایله اله آلینماسی لازیم اولدوغونو دیله گتیردی.
مرکل، آلمانیا و روسیانین دونیاداکی پروسهلره دایر مسئولیتلری اولدوغونو، آنجاق روسیانین، بیرلشمیش میللتلری امنیت شوراسینین دایمی عضوو اولماسی سببیله آیری بیر مسئولیت داشیدیغینی دا سؤزلرینه علاوه ائدیب.
ولادیمیر پوتین ده، سوریهلی قاچقینلارین بیر آن اؤنجه اؤلکهلرینه قاییتمالاری اوچون لازیم اولان آددیملارین آتیلماسی لازیم اولدوغونو سؤیله یه رک،سوریه نین یئنیدن اینشاسینین اؤنمینی قئید ائتدی.
روسیا پرزیدنتی پوتین، آلمان طرفداشلارلا شمال آخین 2 گاز بورو کمری مسئلهسینده بیرلیکده چالیشدیقلارینی، شمال آخینی 2نین یالنیز ایقتیصادی بیر پروژه اولدوغونو ایفاده ائتدی.
گازین اوکراینا اراضیسی ایله نقلینه داوام ائدیله جگینی سؤیلهین پوتین، بورادا اؤنملی مقامین، داشینما زامانی ایقتیصادی شرطلرین اؤدنیلمهسی اولدوغونو دا بیلدیریب.
ایلگیلیلی خبرلر
روسیهنین اوکراین راکت هوجوملاری
روسیهنین اوکراینین دنیپروپترووسک ویلایتینه راکت هوجوملاری نتیجهسینده ۸ نفر اؤلوب، 29 نفر یارالانیب