کانادا ایله سعودی عربیستانی آراسیندا گرگین لیک
کانادا سعودی عربیستانینین کانادانین بو اؤلکهدکی سفیرینین دپورت اولونماسیندان ناراحات اولدوغونو بیلدیردی.
کانادا سعودی عربیستانینین کانادانین بو اؤلکهدکی سفیرینین دپورت اولونماسیندان ناراحات اولدوغونو بیلدیردی.
کانادا خاریجی ایشلر ناظیری کریستیا فریلند سعودی عربیستانی ایله اؤلکهسی آراسیندا گرگینلشن دیپلوماتیک علاقهلره دایر یازیلی آچیقلاما وئردی.
آچیقلامادا دئییلیر: "سعودی عربیستانینین کانادانین حبس اولونان اینسان حاقلاری مودافیچیلرینین ایفادهلرینه قارشیلیق اولاراق کانادا سفیرینی قووماسی ایله باغلی درین ناراحاتلیق حیسی کئچیریریک. کانادا قادین حاقلاری و دونیا میقیاسیندا سؤز آزادلیغی دا داخیل اولماقلا اینسان حاقلارینین قورونماسی اوچون هر زامان سسینی اوجالداجاقدیر. بو دیرلری تبلیغ ائتمهیه ترددود ائتمهیهجییک و بو دیالوقون اولوسلار آراسی دیپلوماسی اوچون کریتیک اهمیته مالیک اولدوغونا اینانیریق. کانادا اینسان حاقلارینی مودافعه ائتمهیه و دونیادا بو تمل حاقلاری مدافعه ائدن جسور قادینلار و کیشیلر اوچون فعالیت گؤسترمهیه داوام ائدهجکدیر".
سعودی عربیستانی تهلوکه سیزلیک اورقانلاری طرفیندن بعضی اینسان حاقلاری فعاللارینین حبسه آلینماسیندان سونرا کانادادان وئیلن آچیقلامالار ایکی اؤلکه آراسیندا دیپلوماتیک بحرانا سبب اولوب.
اؤتن گون سعودی عربیستانی کانادانین ریاض-داکی سفیرینین آرزو اولونماز شخص اعلان ائتدیگینی، اونا اؤلکهنی ترک ائتمهسی اوچون 24 ساعت وئردیگینی و بو بوتون تیجاری علاقهلری دوندوردوغونو، تحصیل، اویرنجی بورسو و دییشیمی پروقرام لارینی دایاندیردیغینی بیلدیردی.
بونلارا علاوه اولاراق، ریاض رهبرلیگی سعودی عربیستانی هاوا یوللارینین آوقوستون 13-دن اعتباراً کانادانین تورونتو شهرینه اوچوشلارینین دا دایاندیریلاجاغینی بیان ائتدی.