بیرلشمیش میللت‌لر، ایران نوکلئر راضیلاشماسینی دستکلییر

باش کاتیب سؤزچولرین‌دن فرهان حاق، بیرلشمیش میللت‌لرین ایرانیلا 2015 ایلینده الده ائدیلن نوکلئر سازیشی دستکلمه‌یه داوام ائدجگینی و بوتون اؤلکه‌لرین ده بو موقاویله‌یه دستک وئرمه‌سی لازیم اولدوغونو سؤیله‌دی

بیرلشمیش میللت‌لر، ایران نوکلئر راضیلاشماسینی دستکلییر

بیرلشمیش میللت‌لر (بمت)، ایران نوکلئر راضیلاشماسینی دستکلییر.

باش کاتیب سؤزچولرین‌دن فرهان حاق، بیرلشمیش میللت‌لرین ایرانیلا 2015 ایلینده الده ائدیلن نوکلئر سازیشی دستکلمه‌یه داوام ائدجگینی و بوتون اؤلکه‌لرین ده بو موقاویله‌یه دستک وئرمه‌سی لازیم اولدوغونو سؤیله‌دی.

حاق، گونده‌لیک مطبوعات بریفینگینده آمریکانین ایران ایله الده ائدیلن نوکلئر موقاویله‌دن بیرطرف‌لی چکیلمه‌سی‌نین آردین‌دان بو گون دؤوره‌یه گیرن تحریم‌لره دایر قیمت وئردی.

بمت باش کاتیبی آنتونیو گوترزین بیرگه گئنیش ایش پلانی آدلان‌دیریلان نوکلئر سازیشی دیپلوماتیک اوغور کیمی گؤردوگونو بیل‌دیرن حاق، بمت نوکلئر سازیشی دستکلمه‌یه داوام ائده‌جک و باش کاتیب بوتون حکومت‌لری بو راضیلاشمانی دستکلمه‌یه تشویق ائدیر. دئدی.

ایرانین نوکلئر پروقرامینا دایر بیرگه گنیش ایش (Joint Comprehensive Plan of Action – JCPOA) 20 آی سورن دانیشیق‌لاردان سونرا، ژوئیه 2015ده، بیر طرفده ایران، دیگر طرفده بمت امنیت شوراسی‌نین بئش دایمی عضوو آمریکا، آلمانیا، بؤیوک بریتانیا، چین، روسیا، فرانسا و آوروپا بیرلیگی آراسیندا ایمضالانیب.

راضیلاشما تهرانین نوکلئر پروقرامینی سونا چاتدیرماسینا قارشی‌لیق اولا‌راق بو اؤلکه‌یه ایجرا اولونان اولوسلار آراسی تحریم‌لرین گؤتورولمه‌سینی نظرده توتوردو.

آنجاق می آییندا آمریکا پرزیدنتی دونالد ترامپین نوکلئر آنلاشمادان چکیلمه قراری آلماسی، آمریکا خزینه ناظیرلیگی، ایرانا قارشی تحریم‌لارین 90 و 180 گونلوک ایکی مرحل ایله یئنی‌دن تطبیق اولونماغا باشلایاجاغینی بیلدیرمیشدی.

90 گونلوک مدتین بو گون دولماسییلا بیرلیکده نوکلئر موقاویله‌نین آردین‌دان قال‌دیریلان ایرانا قارشی تحریم‌لارین ایلک مرحله‌سی بو گون حیاتا کئچیرمه‌یه قویولوب.



ایلگیلی‌لی خبرلر